Լիտվայի արտգործնախարարը 2011 թ.-ի սկզբին կայցելի Հայաստան

Լիտվային արտգործնախարար Աուդրոնիուս Աժուբալիսը ՀՀ ԱԳ նախարար Էդվարդ Նալբանդյանի հրավերով 2011 թ.-ի սկզբին կայցելի Հայաստան, երկուշաբթի «Նովոստի-Արմենիա» գործակալությանը տեղեկացրեցին ՀՀ ԱԳՆ մամուլի ծառայությունից:

Ալմաթիում ԵԱՀԿ արտգործնախարարների ոչ պաշտոնական հանդիպման շրջանակներում Նալբանդյանը Լիտվայի ԱԳ նախարարի հետ քննարկել է երկկողմ, տարածաշրջանային և միջազգային հարցեր, ինչպես նաև Հայաստան-ԵՄ համագործակցության հեռանկարները: Լիտվան 2011 թ.-ին կստանձնի ԵԱՀԿ-ի նախագահությունը:

Նախարարները նաև մտքեր են փոխանակել Հարավային Կովկասում անվտանգության ապահովմանն առնչվող հարցերի, առկա խնդիրների և դրանց լուծման ուղիների վերաբերյալ:  -0-