Ադրբեջանական կողմի հրաձգության հետևանքով ղարաբաղցի զինծառայող է զոհվել
27.10.2010,
10:31
Ադրբեջանական կողմի հրաձգության հետևանքով ղարաբաղցի զինծառայող է զոհվել
Երեքշաբթի Ադրբեջանի կողմից ձեռնարկված հրաձգության հետևանքով Ղարաբաղի Պաշտպանության բանակի զինծառայող է զոհվել, հաղորդում է ԼՂՀ Պաշտպանության բանակի տեղեկատվության և քարոզչության բաժինը:
«Հոկտեմբերի 26-ին` ժամը 16:45-ի սահմանում, ղարաբաղա-ադրբեջանական զորքերի շփման գծի հյուսիս-արևելյան (Մարտակերտի) ուղղությամբ տեղակայված դիրքերի վրա հակառակորդի կողմից ձեռնարկված հերթական հրաձգության հետևանքով զոհվել է ՊԲ շարքային զինծառայող, 20-ամյա Հարութ Աշոտի Գրիգորյանը», - նշվում է «Նովոստի-Արմենիա» գործակալություն ստացված տեղեկատվության մեջ:
Զոհված զինծառայողը զորակոչվել է Ստեփանակերտից:
Դեպքի հետ կապված մանրամասները ճշտվում են:-0-
Պատճենել հղումը
