Սիմոնյանը հայտարարել է, որ 300 հազ. ադրբեջանցիների՝ Հայաստան տեղափոխվելու մասին լուրերը սուտ են
ԵՐԵՎԱՆ, 29 ապրիլի․/Նովոստի-Արմենիա/․ ՀՀ ԱԺ խոսնակ Ալեն Սիմոնյանը հայտարարել է, որ իբր 300 հազար ադրբեջանցիների՝ Հայաստան հնարավոր տեղափոխվելու մասին խոսակցությունները «սին են և սուտ»։
«Խոսակցություններ են պտտվում այն մասին, թե իբր Հայաստան պետք է գան 300 հազար ադրբեջանցիներ։ Նման խոսակցությունները սին են, սուտ և գոյություն չունեն»,- հայտարարել է Սիմոնյանը իր Telegram-ալիքում հրապարակված տեսանյութում։
Սիմոնյանը պարզաբանել է, որ այդ խոսակցությունները եղել են ի պատասխան Ղարաբաղի դեպքերից հետո Հայաստանի որոշ ներկայացուցիչների՝ Ղարաբաղ վերադառնալու մասին հայտարարություններին։
Նրա խոսքով՝ 2025 թ.-ի օգոստոսի 8-ի վաշինգտոնյան համաձայնագրից հետո փոխադարձ պահանջներ ներկայացնելու ոճն այլևս գոյություն չունի։
«Մենք խաղաղություն ենք կառուցում, և խաղաղության կառուցման ամենակարևոր քայլը կանի Հայաստանի Հանրապետության ժողովուրդը»,- ասել է Սիմոնյանը։
