418.95
5.51
394.49
-9
Եղանակը Երևանում
Հայ

Արցախի քաղաքական լուծման ճանապարհից չենք շեղվել.Փաշինյանն ընդունել է Արցախի նախագահին (ՎԻԴԵՈ)

10:45
03 Նոյեմբերի 2021

ԵՐԵՎԱՆ, 3 նոյեմբերի./Նովոստի–Արմենիա/. Վարչապետ Նիկոլ Փաշինյանն այսօր հանդիպում է ունեցել Արցախի Հանրապետության նախագահ Արայիկ Հարությունյանի հետ, հաղորդում է ՀՀ վարչապետի մամուլի ծառայությունը: 

Իր խոսքում Նիկոլ Փաշինյանը նշել է. 

«Արցախի Հանրապետության մեծարգո նախագահ, ողջունում եմ Ձեզ և ուրախ եմ տեսնել Հայաստանի Հանրապետության մայրաքաղաքում: 44-օրյա պատերազմի ավարտի առաջին տարելիցն է լրանում: Իհարկե, այս ընթացքում էլ այդ աշխատանքը երբեք չի դադարել, բայց տարելիցի կապակցությամբ նաև այս ընթացքում մեր կատարած աշխատանքը վերլուծելը և իրադրությունը գնահատելը, կարծում եմ, կարևոր է: Եվ այսօր մեր հանդիպման ընթացքում մենք այդ հարցերը կքննարկենք: 

Կարևոր է արձանագրել, որ այս ընթացքում Արցախի կառավարությանը՝ Հայաստանի Հանրապետության կառավարության հետ, հաջողվել է Արցախում բնականոն կյանքի վերականգնման ուղղությամբ շատ կոնկրետ աշխատանքներ իրականացնել: Իհարկե, մենք չենք համարում, թե այն, ինչ արված է, գոհացուցիչ է, և մենք, բնականաբար, պետք է շարունակենք աշխատանքն այդ ուղղությամբ՝ զուտ աջակցության ծրագրերը, ինչպես բազմիցս խոսել ենք, փոխարինելով զարգացման ծրագրերով: 

Իհարկե, կարևոր է նաև, որպեսզի մենք, և դա անում ենք նաև աշխատանքային մակարդակում, քննարկումներ ունենանք Լեռնային Ղարաբաղի հակամարտության կարգավորման մեր հետագա տեսլականի վերաբերյալ: Մենք կարևոր ենք համարում, որ ԵԱՀԿ Մինսկի խմբի համանախագահության շրջանակում բանակցային լիարժեք գործընթացը վերականգնվի, որտեղ, ինչպես նաև համանախագահներն են ընդգծել մի քանի անգամ, հայտնի սկզբունքների հիման վրա, այդ թվում՝ ազգերի ինքնորոշման իրավունքի տեղի ունենա Լեռնային Ղարաբաղի հակամարտության կարգավորումը՝ վերջնական և համապարփակ և Լեռնային Ղարաբաղի կարգավիճակի ճշգրտումը:

Այս բոլոր հարցերը մշտապես մեր աշխատանքային միացյալ օրակարգում են, և այսօր նույնպես մենք այդ թեմաներով առավել մանրամասն քննարկումներ կունենանք: Կրկին ողջունում եմ և ուրախ եմ Ձեզ տեսնել»: 

Արայիկ Հարությունյանն իր հերթին ասել է. 

«Մեծարգո պարոն վարչապետ, նախ շնորհակալություն հանդիպման կապակցությամբ: Իրականում արդեն մեկ տարի է անցել, և ի՞նչ է հաջողվել մեզ անել, ի՞նչ արձանագրել: Նախ այն, որ Արցախի քաղաքական լուծման ճանապարհից չենք շեղվել, և Արցախի ինքնորոշման իրավունքը՝ որպես գլխավոր քաղաքական լուծման ուղղություն մենք շարունակում ենք պահպանել, և միջազգային խաղացողները, այդ թվում՝ ԵԱՀԿ Մինսկի խումբը շարունակում է որպես միջնորդ լինել, և օրակարգում Ղարաբաղյան խնդրի լուծման առումով հիմքում դրված է նաև ազգերի ինքնորոշման իրավունքը:

Երկրորդը՝ ուզում եմ նշել, որ արդեն լայնածավալ աշխատանքների արդյունքում առաջին պտուղներն ենք քաղում, և ընդամենը օրերի ընթացքում՝ մինչև տարեվերջ, առնվազն 300 բնակարան միայն Ստեփանակերտ քաղաքում կհանձնենք շահագործման: Նորակառույց բնակարանների մասին է խոսքը: Իհարկե, մի մասը մինչ պատերազմը սկսված շինարարությունն է, բայց մեզ հաջողվել է, դրանից բացի, հազարավոր բնակարանների հիմքեր դնել այսօր, և մինչև եկող տարվա վերջ առնվազն 2500-3000 բնակարան ավարտած կլինենք: Առաջին հերթին՝ Հայաստանի կառավարության կողմից Արցախին տրամադրվող գումարների շրջանակում - իհարկե, գումարները ոչ միայն շինարարության համար են տրվում, այլև Արցախի բնականոն կյանքը, սոցիալական ծրագրերն իրականացնելու համար - և «Հայաստան» համահայկական հիմնադրամի կողմից հանգանակած գումարներով՝ տարբեր ծրագրերի, բնակարանաշինության և ենթակառուցվածքային ծրագրերի իրականացման ուղղությամբ: Այսինքն՝ առաջին 300 ընտանիքը մինչև այս տարեվերջ, մինչև Նոր տարի, կունենա իր օջախը, և դա ամենակարևորն է Արցախի ժողովրդագրական խնդիրը լուծելու առումով:

Ուզում եմ նաև շնորհակալություն հայտնել, որ Հայաստանի՝ 2022 թվականի պետական բյուջեում արտացոլվել է բավական մեծ գումար, որը թույլ է տալու Արցախի կողմից վերականգնվող տնտեսության հաշվին մուտքագրված գումարներով ևս միասին լուծել բոլոր խնդիրները: Կարճ ժամանակահատվածում՝ 2-3 տարվա ընթացքում, համոզված եմ, ամբողջությամբ կլուծենք բնակարանային և անհրաժեշտ մնացած ենթակառուցվածքային և սոցիալական խնդիրները:

Ուզում եմ նշել, որ բավական ակտիվ համագործակցում են Հայաստանի Հանրապետության և Արցախի Հանրապետության տարբեր կառույցները, օպերատիվ արձագանքում են մեր բոլոր հարցերին: Բարձրացված ցանկացած խնդիր՝ սոցիալական, ենթակառուցվածքային, թե այլ, լուծում է ստանում, և այսօր այն բնական կյանքը, որ Արցախում կա, հիմնականում պայմանավորված է Հայաստանի կառավարության կողմից գումարների հատկացմամբ և այն ուշադրությամբ, ամենօրյա աշխատանքով, որը տեղի է ունենում»:–0–


Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
12:43
04 Հունվարի 2023
Քիմ Քարդաշյանն աշխարհին կոչ է արել ուշադրություն դարձնել Արցախի շրջափակմանը (ՖՈՏՈ)
Քիմ Քարդաշյանն աշխարհին կոչ է արել ուշադրություն դարձնել Արցախի շրջափակմանը. ՖՈՏՈ
12:36
04 Հունվարի 2023
Անհրաժեշտ ենք համարում Ղարաբաղ և Լաչինի միջանցք միջազգային փաստահավաք առաքելության գործուղումը. ԱԳՆ
ԱԳՆ-ն միջազգային գործընկերների և ողջ առաջադեմ մարդկության ուշադրությունն է հրավիրում այն փաստին, որ ավելի քան երեք շաբաթ Ադրբեջանը շրջափակման մեջ է պահում Լեռնային Ղարաբաղը
12:08
04 Հունվարի 2023
Ստեփանակերտի խանութներու նկատելի է լայն սպառման ապրանքների բացակայությունը
Ստեփանակերտի դեղատներից երկուսում շրջայցի արդյունքում պարզվեց, որ Կարմիր Խաչի միջոցով տեղ հասցված դեղորայքի շնորհիվ ժամանակավորապես հաջողվել է բավարարել առաջնահերթ դեղամիջոցների պահանջարկը
11:02
04 Հունվարի 2023
Արցախից երկու պացիենտ այսօր տեղափոխվել է Հայաստան
Արցախից երկու պացիենտ այսօր տեղափոխվել է Հայաստան
18:03
03 Հունվարի 2023
Արցախում որոշ ապրանքներ խանութներ կմատակարարվեն պետական պահուստային պաշարներից
Արցախում որոշ ապրանքներ խանութներ կմատակարարվեն պետական պահուստային պաշարներից
13:40
03 Հունվարի 2023
Ադրբեջանը չի դրսևորի գթասրտություն. փորձագետը կոչ է անում Հայաստանի իշխանություններին պատրաստվել ինքնուրույն բացել ճանապարհը դեպի Արցախ (ՎԻԴԵՈ)
Ադրբեջանը չի դրսևորի գթասրտություն և չի բացի Լաչինի միջանցքը, վստահ է «Մարդկային զարգացման միջազգային կենտրոնի» գործադիր տնօրեն Թևան Պողոսյանը. ՎԻԴԵՈ
11:58
30 Դեկտեմբերի 2022
Արցախցի երեք պացիենտ այսօր տեղափոխվել է Հայաստան
ԿԽՄԿ–ի ուղեկցությամբ երեք պացիենտ այսօր Արցախից տեղափոխվել է ՀՀ տարբեր մասնագիտացված բժշկական կենտրոններ
11:27
30 Դեկտեմբերի 2022
Forbes. Լաչինի միջանցքի շրջափակմամբ Ղարաբաղը հայտնվել է հումանիտար աղետի շեմին
Ամերիկյան Forbes ամսագիրը ներկայացրել է Լաչինի միջանցքի արգելափակման պատճառով Լեռնային Ղարաբաղում առաջացած հումանիտար աղետի սպառնալիքի մասին
12:14
29 Դեկտեմբերի 2022
Միջազգային հանրության դատարկ հայտարարությունները. Արցախում կրկին կոչ են արել պատժամիջոցներ կիրառել Ադրբեջանի դեմ
Արցախում կրկին կոչ են արել պատժամիջոցներ կիրառել Ադրբեջանի դեմ
11:58
29 Դեկտեմբերի 2022
Արցախում սահմանափակվել է սրճարանների և ռեստորանների գործունեությունը
Արցախում սահմանափակվել է սրճարանների և ռեստորանների գործունեությունը
11:45
29 Դեկտեմբերի 2022
Հայաստանում ձևավորվել է աշխատանքային խումբ Արցախի ժողովրդին աջակցելու նպատակով
Հայաստանում ձևավորվել է աշխատանքային խումբ Արցախի ժողովրդին աջակցելու նպատակով
11:31
28 Դեկտեմբերի 2022
Ծանր վիճակում գտնվող 3 հիվանդ այսօր ԿԽՄԿ-ի ուղեկցությամբ Արցախից տեղափոխվել է Հայաստան
Ծանր վիճակում գտնվող 3 հիվանդ այսօր ԿԽՄԿ-ի ուղեկցությամբ Արցախից տեղափոխվել է Հայաստան