«Ֆելոյիս երկար սպասված վիրահատությունը տեղի ունեցավ». Դերասան Գոռ Հակոբյանը մանրամասներ է հայտնել որդու վիրահատությունից (ՖՈՏՈ)
ԵՐԵՎԱՆ, 29 օգոստոսի․/Նովոստի–Արմենիա/․ Դերասան, երգիչ Գոռ Հակոբյանը Instagram-յան իր էջում հրապարակել է որդու՝ Ֆելիքսի լուսանկարը՝ կից հայտնելով, որ տեղի է ունեցել որդու վիրահատությունը։
Նշենք, որ մարտի 18-ին Գոռ Հակոբյանի ընտանիքը մեկնել է Գերմանիա՝ Ֆելիքսի բուժման նպատակով։ Երեխայի մոտ ախտորոշվել է Յուինգի սարկոմա' քաղցկեղի հազվադեպ տեսակ։
Գոռը դրամահավաք էր կազմակերպել երեխայի բուժումը Գերմանիայում կազմակերպելու համար։ Երկու օրում բուժման համար անհրաժեշտ ողջ գումարը հավաքվել էր։
«Ֆելոյիս երկար սպասված վիրատահությունը տեղի ունեցավ:
Օգոստոսի 24-ին 5 ժամից ավել տևած վիրահատությունն անցավ ըստ բժիշկների պլանավորածի: Ոտքի ոսկորից (Fibula) հեռացվեց 20սմ և Աստծո կամքով պահպանվեցին բոլոր կարևոր նյարդերը որոնք պատասխանատու են մարդու քայլելու համար: Առջևում 9-12 ամիսների ընթացքում նորից քայլել պետք է սովորենք և ևս 5 քիմիաթերապիայի կուրսեր: Այս պահին Ֆելոն իրեն լավ է զգում Շնորհակալություն»,- լուսանկարներին կից գրել է նա։
