Որպես անհետ կորած որոնվող Տիգրան Մխիթարյանը հայտնաբերվել է

ԵՐԵՎԱՆ, 4 սեպտեմբերի․ /Նովոստի-Արմենիա/․ Որպես անհետ կորած որոնվող 31-ամյա Տիգրան Մխիթարյանը հայտնաբերվել է, հայտնում են ՆԳՆ ոստիկանությունից։

Սեպտեմբերի 1-ին հաղորդվել էր 1994 թվականին ծնված Տիգրան Մխիթարյանի անհետ կորելու մասին։

Համայնքային ոստիկանության Աշոցքի բաժնի ծառայողների ձեռնարկած միջոցառումների արդյունքում Տիգրան Մխիթարյանը Աշոցքի հասցեներից մեկի մոտ հայտնաբերվել է։

Կազմված փաստաթղթերն ուղարկվել են նախաքննական մարմին։