Հրդեհ Սանկտ Պետերբուրգի հիվանդանոցներից մեկում. մահացել է կորոնավիրուսով 5 պացիենտ
12.05.2020,
10:43
Հրդեհ Սանկտ Պետերբուրգի հիվանդանոցներից մեկում. մահացել է կորոնավիրուսով վարակված 5 պացիենտ
ԵՐԵՎԱՆ, 12 մայիսի./Նովոստի-Արմենիա/. Սանկտ Պետերբուրգի Սուրբ Գեորգի հիվանդանոցի վերակենդանացման բաժանմունքում բռնկված հրդեհի հետևանքով կորոնավիրուսով հիվանդ 5 պացիենտ է մահացել, հաղորդում է ՏԱՍՍ-ը:
«Հրդեհի հետևանքով մահացել է 5 պացիենտ, ովքեր միացված են եղել արհեստական օդափոխման սարքերին»,- նշում է աղբյուրը:
Տվյալ պահին հրդեհը տեղայնացված է:
«Դրա մակերեսը կազմում է 10 քառ.մ.»,- հայտնել են ՏԱՍՍ-Ին Ռուսաստանի ԱԻՆ-ից:
Հրդեհի հետևանքով կան մահացածներ. հաստատել են նախարարությունից առանց զոհերի հստակ թիվ նշելու:Սանկտ Պետերբուրգի Սուրբ Գեորգիի հիվանդանոցն առաջիններից է մարտի կեսերից, որը լիովին վերապրոֆիլավորվել է կորոնավիրուսով հիվանդների բուժման համար: -0-
Պատճենել հղումը
