Չորս երիտասարդ գետնին են գցել 39-ամյա կնոջը և առևանգել 18-ամյա աղջկան. ՄԱՆՐԱՄԱՍՆԵՐ (ՎԻԴԵՈ)
ԵՐԵՎԱՆ, 19 օգոստոսի․/Նովոստի–Արմենիա/․ Օգոստոսի 16-ին ՆԳՆ 112 օպերատիվ կառավարման կենտրոն զանգահարած Արտաշատ քաղաքի Վերին Դվին գյուղի բնակչուհին հայտնել էր, որ առևանգել են դստերը, հայտնում են ՆԳՆ ոստիկանությունից։
Արարատի մարզի քրեական ոստիկանները ձեռնարկած օպերատիվ-հետախուզական միջոցառումների արդյունքում պարզել են արարքը կատարած անձանց ինքնությունը։
Պարզվել է, որ օգոստոսի 16-ին՝ առավոտյան ժամը 10-ի սահմաններում Վերին Դվին գյուղի բնակիչ չորս երիտասարդ Աբուլ-Ֆարաջի փողոցում գետնին են գցել 39-ամյա կնոջը և առևանգել 18-ամյա աղջկան։
Նախաձեռնվել է քրեական վարույթ։
Ձեռնարկված հետագա միջոցառումների և բացատրական աշխատանքի արդյունքում 30-ամյա երիտասարդը ներկայացել է նախաքննական մարմին, ձերբակալվել և տեղափոխվել ձերբակալվածների պահման վայր։
Նախաքննությունը շարունակվում է։
Կարդացեք նաև. Երևանում տարեց կանանց պարանոցներից պոկել-տարել էին ոսկյա շղթաներ․ կասկածյալին ձերբակալել են
