ԵՐԵՎԱՆ, 27 հունվարի./Նովոստի–Արմենիա/. ԱՄՆ–ում ուղղաթիռի կործանման հետևանքով Ազգային բասկետբոլային ասոցիացիայի (NBA) չեմպիոն Կոբի Բրայանտի հետ զոհվել է նաև նրա 13–ամյա դուստրը։
Այս մասին հաղորդում է
ՏԱՍՍ–ը` հղում անելով TMZ պորտալին։
Կիրակի Բրայանտի մասնավոր ուղղաթիռը կործանվել է Լոս Անջելեսի մոտակայքում։ Բոլոր 5 ուղևորները մահացել են։
TMZ–ը նշում է, որ ուղղաթիռում չի եղել մարզիկը կինը` Վանեսան։ ESPN–ի լրագրող Էդրիան Վոյնարովսկու հաղորդմամբ, ուղղաթիռում եղել են
Բրայանտի դստեր հասակակիցն ու նրա ծնողներից մեկը։ Նրանք ուղևորվում էին Բրայանտի ակադեմիա` բասկետբոլային մարզման։
Բրայանտը հինգ անգամ դարձել
է NBA չեմպիոն Los Angeles Lakers-ի կազմում, 2008թ.–ին ճանաչվել է NBA–ի ամենաթանկարժեք
խաղացողը։ ԱՄՆ–ի հավաքականի կազմում Բրայանտը երկու անգամ դարձել է Օլիմպիական չեմպիոն
(2008, 2012): Նա զբաղեցնում է չորրորդ տեղը NBA–ի պատմության մեջ
ամենաարդյունավետ խաղացողների ցանկում (33643 միավոր), 18 անգամ մասնակցել է NBA–ի
աստղերի հանդիպումներին։–0–