Հայտնաբերվել է ապօրինի հատված «կաղնի» տեսակի 26 ծառ, վնասի չափը կազմել է 793.500 ՀՀ դրամ

ԵՐԵՎԱՆ, 3 փետրվարի./Նովոստի-Արմենիա/. Բնապահպանության և ընդերքի տեսչական մարմնի աշխատակիցները հերթական շրջայցի ընթացքում Արագածոտնի մարզի Ապարան համայնքի Ձորագլուխ գյուղի «Գռավ» կոչվող անտառածածկ տարածքում հայտնաբերել են մինչև աճի դադարեցման աստիճանն ապօրինի հատված «կաղնի» տեսակի 26 ծառ, հաղորդում է գերատեսչությունը։

Շրջակա միջավայրին հասցված վնասի չափը կազմել է 793.500 ՀՀ դրամ:

Գործի նյութերն ուղարկվել են իրավապահ մարմիններին։-0-