Նեպալում ջրհեղեղի հետևանքով զոհերի թիվը հասել է 469-ի. 977 մարդ համարվում է անհետ կորած
ԵՐԵՎԱՆ, 28 օգոստոսի․ /Նովոստի–Արմենիա/․ Նեպալի Ռասուվա շրջանում տեղի ունեցած ավերիչ ջրհեղեղների հետևանքով զոհերի թիվը հասել է 469-ի, իսկ 977 մարդ շարունակում է մնալ անհետ կորած, հայտնում է Ratopati-ն՝ հղում անելով Նեպալի ՆԳՆ Աղետների պատրաստվածության և արձագանքման բաժնի (NEOC) վերջին զեկույցին։
Ըստ զեկույցի՝ օգոստոսի 28-ի ժամը 7։30-ի դրությամբ հայտնաբերված 469 զոհերից ամենաշատը՝ 178-ը, հայտնաբերվել է Չիտվան շրջանում։ Զոհերի թիվը մյուս շրջաններում հետևյալն է՝ Արևելյան Նավալպարասիում՝ 110, Գորխայում՝ 44, Նուվակոտում՝ 37, Դհադինգում՝ 33, Տանահունում՝ 28, Արևմտյան Նավալպարասիում՝ 27, Ռասուվայում՝ 12։
Գորխայում հայտնաբերված 44 զոհերի թվում, ըստ ՆԳՆ տվյալների, կան նաև մարդկային օրգանների մասունքներ։
Ջրհեղեղների հետևանքով տուժել է 73 մարդ, որոնցից 43-ը՝ Ռասուվայում։ Մինչ այժմ փրկարարները կարողացել են փրկել 3253 մարդու։
Կա գրեթե 1000 անհետ կորած։ Նրանց թվում են 517 օտարերկրյա քաղաքացիներ, 127 նեպալցիներ, որոնք բնակվում են արտերկրում և այցելել էին Նեպալ, ինչպես նաև անվտանգության և ոստիկանական ուժերի ներկայացուցիչներ։
Աղետի հետևանքների վերացման և որոնողափրկարարական աշխատանքների համար Նեպալում ներգրավվել է անվտանգության ուժերի 9405 աշխատակից։ Փրկարարական աշխատանքներում օգտագործվում է 15 ուղղաթիռ՝ Նեպալի բանակի 6 և մասնավոր հատվածի 9 ուղղաթիռ։
