ԵՐԵՎԱՆ, 30 հունիսի./Նովոստի–Արմենիա/. Տրանսգենդեր կինն առաջին անգամ հաղթել է ԱՄՆ–ում կազմակերպված գեղեցկության մրցույթում։ Նևադա նահանգից 27–ամյա մոդել Կատալունա Էնրիկեսն արժանացել է մրցույթի թագին հունիսի 27–ին։
Ինչպես գրում է lenta.ru–ն, հղում անելով NBC News–ին, մրցույթին մասնակցել է 21 գեղեցկուհի։ Կատալունան կներկայացնի նահանգը ԱՄՆ–ի գեղեցկության մրցույթում։
Էնրիկեսը ծնվել է Ֆիլիպիններում և 10 տարեկանում ծնողների հետ տեղափոխվել է ԱՄՆ։ 2016թ.–ից սկսել է մասնակցել գեղեցկության մրցույթներին։ Սակայն մրցութային կարիերան չէր հաջողվում այն բանից հետո, եր մրցավարներն իմացել էին, որ նա տրանսգենդեր է։
«Ինձ խնդրեցին տրամադրել փաստաթղթեր, որոնք, իմ կարծիքով, անձնական են, ֆիզրիկապես խնդրեցին նամակ ստանալ բժշկից», – պատմում է Կատալունան։
Նրա խոսքով, դա ստորացուցիչ էր։
Դրանից հետո մոդելը հաղթել է գեղեցկության մի քանի մրցույթներում` Queen California, Queen USA 2016, Super Sireyna WWUSA, Queen of the Universe տրանսգենդերների միջազգային մրցույթում։ Հունիսի 27–ին Կատալունան հաղթել է Miss Silver State USA նախամրցույթը, որը երաշխավորել է նրա մասնակցությունը Miss USA մրցույթին։
«Miss Silver State–ն ինձ համար հիանալի փորձ էր, ինձ համար այն կանացիության և բազմազանության տոն էր», – ասել է նա։
Էնրիկեսը շնորհակալություն է հայտնել իր երկրպագուներին և թիմին, ինչպես նաև ԼԳԲՏ հանրությանը, որի անդամներին շնորհավորել է Հպարտության ամսվա կապակցությամբ (Pride Month)։
«Շնորհակալ եմ բոլոր նրանց, ովքեր ինձ աջակցել են ամենասկզբից։ Իմ երկրպագուները միշտր իմ սրտում են։ Իմ հաղթանակը ձեր հաղթանակն է», – գրել է Էնրիկեսը Instagram–ում։
Հիմա Կատալունան նախատեսում է մասնակցել է «Միսս ԱՄՆ» մրցույթին, որը կանցկացվի նոյեմբերին։–0–
