630.16
7.24
518.61
+21
Եղանակը Երևանում
Հայ

Աջակցության ծրագրեր 15+. ու՞մ և ինչպե՞ս են օգնում ՀՀ իշխանությունները COVID-19–ի պայմաններում (ՇԱՐՈՒՆԱԿՈՒԹՅՈՒՆ)

11:23
05 Մայիսի 2020

ԵՐԵՎԱՆ, 5 մայիսի./Նովոստի–Արմենիա/. Այս նյութում շարունակում ենք ներկայացնել ՀՀ կառավարության աջակցության միջոցառումները, որոնք, մասնավորապես, վերաբերում են միկրոբիզնեսին, կոմունալներին, ինչպես նաև բուհերի ուսանողներին։ Նշենք, որ կառավարությունը պատրաստել է օգնության նոր միջոցառումներ, որոնց կծանոթացնենք մեր հաջորդ նյութերում։

Տասներորդ միջոցառում. աջակցություն միկրոձեռնարկատիրություններին

кошелек Десятая программа содействия

Միջոցառման շրջանակում կառավարությունն աջակցում է այն անձանց, ովքեր դարձել են անհատ ձեռնարկատեր չհանդիսացող ֆիզիկական անձ։ Նրանք առանձնացվել են երեք խմբերի` ընտանեկան ձեռնարկատիրության սուբյեկտ, ինքնազբաղվածներ, անձինք, ովքեր 2019թ.–ին չեն եղել անհատ ձեռնարկատերեր, սակայն 2020թ.–ի հունվարի 1–ից հետո գրանցվել են որպես միկրոսուբյեկտ։

Այս պահին գրանցված է մոտ 6 հազար նման ձեռնարկատեր։ Օժանդակության ձևն է միանվագ աջակցություն 2020 թվականի առաջին եռամսյակի ընթացքում մատակարարված ապրանքների, մատուցված ծառայությունների և կատարված աշխատանքների իրացման շրջանառության 10 տոկոսի չափով, բայց ոչ ավելի, քան նվազագույն աշխատավարձի կրկնապատիկի չափով։

Նվազագույն աշխատավարձի չափով միանվագ աջակցություն կստանան նաև այն անձինք, ովքեր հունվարի 1–ից հետո հանդիսացել են միկրոձեռնարկատիրության սուբյեկտ, չեն եղել անհատ ձեռներեց, ինչպես նաև նրանք, ովքեր ապրիլի 1–ի դրությամբ ներկայացրել են ՀԴՄ ստանալու հայտ, սակայն չունեն նոր սերնդի ՀԴՄ։ Ապրիլի 24–ի դրությամբ աջակցություն է տրամադրվել 2365 շահառուի` 141,7մլն դրամի չափով։

Տասնմեկերորդ միջոցառում. կոմունալ ծախսերի մասնակի փոխհատուցում

кошелек Одиннадцатая программа содействия

Պետությունը կաջակցի նաև կոմունալ ծախսերի մասնակի փոխհատուցման մասով։ Մասնավորապես, 11–րդ միջոցառման շահառու կդառնան բնական գազի մատակարարման և էլեկտրական էներգիայի մատակարարման պայմանագիր կնքած այն բնակիչ բաժանորդները, որոնց 2020 թվականի փետրվար ամսվա ծախսը չի գերազանցել բնական գազի սպառման գծով՝ 10 000 դրամը, էլեկտրական էներգիայի սպառման գծով՝ 5 000 դրամը։ Օժանդակության ձևն է միանվագ աջակցություն 2020 թվականի փետրվար ամսվա ընթացքում սպառված համապատասխանաբար բնական գազի և էլեկտրական էներգիայի դիմաց վճարի 50%-ի չափով։ Դիմելու կարիք չկա, գումարը փոխանցվում է բնական գազ և էլեկտրական էներգիա մատակարարող ընկերություններին միջոցառման շահառու համարվող բնակիչ բաժանորդների պարտքի մարմանը, իսկ դրա բացակայության դեպքում՝ որպես կանխավճար:

Նախատեսվում է աջակցություն ցուցաբերել 222 հազար բաժանորդի։ Ապրիլի 24–ի դրությամբ իշխանություններն արդեն վճարել են 786մլն դրամ։

Տասներկուերորդ միջոցառում. կոմունալ ծառայությունների ոլորտ

кошелек Двенадцатая программа содействия

11–րդ միջոցառման իրականացման ընթացքի մասին արձագանքներ ստանալուց հետո կառավարությունը որոշեց հաստատել կոմունալներին վերաբերող նոր միջոցառում` այս անգամ ներառելով այն բաժանորդներին, ովքեր գազն ու էլեկտրաէներգիան սպառել են նշված ցուցանիշից ավելի։

Այսպիսով՝ 12–րդ միջոցառման շահառուներն են բնական գազի մատակարարման և էլեկտրական էներգիայի մատակարարման պայմանագիր կնքած այն բնակիչ բաժանորդները, որոնց 2020 թվականի փետրվար ամսվա ծախսը կազմել է բնական գազի սպառման գծով՝ 10 001 - 30 000 դրամ ներառյալ, իսկ էլեկտրական էներգիայի սպառման գծով՝ 5 001 - 10 000 դրամ ներառյալ: Միջոցառման շահառու կդառնա 280 հազար մարդ։ Ապրիլի 24-ի դրությամբ իշխանություններն արդեն վճարել են 1,8 մլրդ դրամ։

Տասներեքերորդ միջոցառում. սոցիալապես անապահով ընտանիքներ

кошелек Тринадцатая программа содействия

13-րդ միջոցառումը ևս ունի սոցիալական ուղղվածություն. նրա շահառուները կդառնան սոցիալապես անապահով այն ընտանիքները, որոնք 2020 թ.-ի ապրիլի դրությամբ ստանում են սոցիալական և ընտանեկան նպաստ։ Այս համակարգում այսօր գրանցված է 85 հազար ընտանիք, որոնց նախատեսվում է վճարել 1,2 մլրդ դրամ։ Այդ ընտանիքները կստանան օժանդակություն՝ նպաստի չափի 50%-ի չափով, որի 70%-ն ընտանիքին տրամադրվում է կանխիկ վճարման ձևով՝ ապրիլ ամսվա նպաստի վճարման հետ միասին, 30%-ը փոխանցվում է որպես բաժանորդի կողմից սպառվող էլեկտրական էներգիայի դիմաց վճար, եթե նա ունի պարտք, իսկ եթե չունի, ապա որպես հաջորդ ամսվա կանխավճար։  

Տասնչորսերորդ միջոցառում. աջակցություն ուսանողներին

кошелек Четырнадцатая программа содействия

Կառավարության ծրագրերը շարունակում են ընդլայնվել, հերթական` 14-րդ միջոցառումը վերաբերում է ուսանողներին, և դրա խնդիրն այն է, որպեսզի բարձր առաջադիմություն ունեցող ոչ մի ուսանող համալսարանից դուրս չմնա ուսման վարձը չվճարելու պատճառով:

Օգնությունից կարող են օգտվել ուսանողների 3 խումբ. առաջինը պետական բուհերի առկա համակարգի բակալավրիատի, մագիստրատուրայի և օրդինատուրայի 90 և ավել ՄՈԳ ունեցող և ավարտական կուրսում գտնվող ուսանողներն են: Երկրորդ խումբը 90 և ավելի ՄՈԳ ունեցող ոչ ավարտական կուրսերի ուսանողներն են: Իսկ երրորդ խումբը պետական հավաստագիր ունեցող բուհերի բակալավրիատի, մագիստրատուրայի և կլինիկական օրդինատուրայի առկա և հեռակա վճարովի համակարգում սովորողներն են, ովքեր ուսման վարձը վճարում են ուսանողական վարկերով:

Ուսանողների առաջին խումբը կստանա երկրորդ կիսամյակի ուսման վարձի 100 տոկոս փոխհատուցում, ընդ որում եթե նրանք արդեն ստացել են պետությունից փոխհատուցում (սոցիալապես անապահով մարդիկ, ապրիլյան պատերազմի մասնակիցները և այլն), ապա կառավարությունը կմարի մնացած պարտքերը: Իսկ եթե ուսանողը մասնակի կամ ամբողջությամբ վճարել է ուսումնական տարվա երկրորդ կիսամյակի ուսման վարձը, ապա վճարած գումարը վերադարձվում է ուսանողին, եթե վճարողը ֆիզիկական անձ է (ոչ թե պետություն կամ հիմնադրամ):

Ընդ որում եթե այս խմբի ուսանողները վարկ են վերցրել, ապա կառավարությունը միջոցները կտրամադրի այդ վարկը մարելուն, իսկ մագիստրատուրայում ուսումը շարունակելու դեպքում գումարները կուղղվեն մագիստրատուրայում ուսման վարձը վճարելուն:

Ուսանողների երկրորդ խմբի համար (բարձր առաջադիմությամբ մնացած կուրսերը) կստանան ուսման վարձի 60 տոկոսանոց փոխհատուցում, իսկ պետական աջակցություն ստացողների համար կգործի մինչև 100 տոկոս մարում: Ընդ որում, եթե ուսանողներն արդեն ամբողջությամբ վճարել են ողջ գումարը, ապա վճարումը կհամարվի հաջորդ կիսամյակի ուսման վարձի վճար։

Ինչ վերաբերում է երրորդ խմբին (ուսանողական վարկեր), ապա ուսանողները, ում ՄՈԳ-ն ուսումնառության սկզբից մինչև 2019-2020 թթ. ուսումնական տարվա 1-ին կիսամյակի ավարտը կազմում է առավելագույն արժեքի 80 և ավելի տոկոս, 2020 թվականի մայիսի 1-ից մինչև 2020 թվականի դեկտեմբերի 31-ը ընկած ժամանակահատվածի համար ուսանողական վարկ կստանան 0 տոկոսով (տոկոսադրույքը սուբսիդավորում է պետությունը):  Իսկ 80 տոկոսից ցածր ՄՈԳ ունեցողների համար նույն ժամանակահատվածում վարկերի տոկոսները պետությունը կփոխհատուցի 5 տոկոսով, արդյունքում ուսանողը վարկ կստանա 4 տոկոսով: Ներկա պահին գրանցված է 11 150 ուսանողական վարկ:

Ընդ որում 2021թ.-ի հունվարի 1-ից ուսանողական վարկերի տոկոսադրույքները կվերադարձվեն սկզբնական դիրքի, այսինքն պետությունը կսուբսիդավորի ուսանողների համար վարկերի 3 տոկոսը, ում ՄՈԳ-ը 80 տոկոսից բարձր է և 2 տոկոս՝ 80-ից ցածր ՄՈԳ ունեցողների համար:

Նյութը պատրաստվել է ԱՄԻ «Նովոստի–Արմենիա»–ի և ՀՀ կենտրոնական բանկի Սպառողների շահերի պաշտպանության և ֆինանսական կրթման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում:-0-

Partners News
ԱՌԿԱ գործակալություն
Բաժնի այլ նյութեր
10:05
11 Հունիսի 2021
Թեստ. որքանո՞վ եք ֆինանսապես գրագետ
ԹԵՍՏ: «Նովոստի–Արմենիա» գործակալության առաջարկած թեստը կօգնի հասկանալ, թե որքանո՞վ եք ֆինանսապես գրագետ
11:11
31 Մայիսի 2021
10 հարց hիփոթեքի մասին, որոնք հետաքրքրում են բոլորին
Ներկայացնում ենք 10 հարց hիփոթեքի մասին, որոնք հետաքրքրում են բոլորին
10:33
26 Մայիսի 2021
Ինչպե՞ս գումար վաստակել Instagram–ում. 3 եկամտաբեր գաղափար
Ինչպե՞ս գումար վաստակել Instagram–ում. 3 եկամտաբեր գաղափար
11:05
21 Մայիսի 2021
Բիզնեսն Instagram–ում.2021թ.–ի գլխավոր թրենդերը
Ներկայացնում ենք Instagram–ի 2021թ.–ի գլխավոր թրենդերը, որոնք կօգնեն պահպանել բիզնես էջի ներգրավվածությունն ու ավելացնել վաճառքները
11:13
15 Դեկտեմբերի 2020
Ինչպես ավելի լավ օգտվել ամանորյա զեղչերից. 8 խորհուրդ
Ինչպես ավելի լավ օգտվել ամանորյա զեղչերից. 8 խորհուրդ
11:11
04 Դեկտեմբերի 2020
Խնայողություն և ներդրումներ. 3 առանցքային տարբերություն
Խնայողություն և ներդրումներ. 3 առանցքային տարբերություն
11:24
30 Նոյեմբերի 2020
Բանկային ավանդների երաշխիք. 6 փաստ, որ պետք է իմանա յուրաքանչյուր ավանդատու
Բանկային ավանդների երաշխիք. 6 փաստ, որ պետք է իմանա յուրաքանչյուր ավանդատու
10:53
27 Նոյեմբերի 2020
Ինչպե՞ս գումար տնտեսել Սև ուրբաթի ժամանակ և չխաբնվել. 5 խորհուրդ
Black Friday–ն կամ Սև ուրբաթը վերջին տարիներին ավելի շատ է տարածվում Հայաստանում։ «Նովոստի–Արմենիա» գործակալությունը որոշեց ներկայացնել, թե ինչ է Սև ուրբաթը և տալ մի քանի խորհուրդ` երկար սպասված զեղչերի ժամանակ չխաբվելու համար։

09:30
23 Նոյեմբերի 2020
Հայկական դրամը. ստեղծման պատմություն
Նախօրեին հայկական դրամի ծննդյան օրն էր, առաջարկում ենք փոքրիկ շրջագայություն կատարել դեպի փողերի պատմություն
10:29
20 Նոյեմբերի 2020
10 ֆինանսական սխալներ, որոնք անհետևանք չեն մնա ճգնաժամի ժամանակ
10 ֆինանսական սխալներ, որոնք անհետևանք չեն մնա ճգնաժամի ժամանակ
10:43
13 Նոյեմբերի 2020
Վարկային զիջումներ, տույժերի վերացում. ի՞նչ քայլերի են դիմել հայկական բանկերը
Վարկային զիջումներ, տույժերի վերացում. ի՞նչ քայլերի են դիմել հայկական բանկերը