Երևանն ու Բիշքեկը դարձան քույր քաղաքներ
17.10.2026,
16:00
Երևանն ու Ղրղզստանի մայրաքաղաք Բիշքեկը դարձել են քույր քաղաքներ
ԵՐԵՎԱՆ, 17 հոկտեմբերի․/Նովոստի–Արմենիա/․ Երևանն ու Ղրղզստանի մայրաքաղաք Բիշքեկը դարձել են քույր քաղաքներ։
Այս մասին հայտնել է Երևանի քաղաքապետ Տիգրան Ավինյանը Facebook–յան իր էջում։
«Ղրղզստանի Հանրապետության նախագահ Սադիր Ժապարովի՝ Երևան այցի շրջանակում ստորագրեցինք երկու քաղաքների միջև քույր քաղաքների հարաբերություններ հաստատելու մասին համաձայնագիր», – նշել է Ավինյանը։
Ավինյանն ավելացրել է, որ այս համագործակցության նոր հնարավորություններ է բացում քաղաքային կառավարման, տրանսպորտի, բնապահպանության, մշակույթի, սպորտի, առողջապահության և սոցիալական պաշտպանության ոլորտներում։
Պատճենել հղումը
