431.27
5.71
396.02
+2
Եղանակը Երևանում
Հայ

Մանկական վճարային քարտ. ի՞նչ է դա և ինչի՞ համար է անհրաժեշտ

10:17
12 Հոկտեմբերի 2021

ԵՐԵՎԱՆ, 12 հոկտեմբերի./Նովոստի–Արմենիա/. Ուզու՞մ եք ձեր երեխային սովորեցնել գրագետ օգտվել ֆինանսներից, ինչպես նաև տեղյակ լինել, թե ինչպես է նա տնօրինում գրպանի փողերը։ Հայաստանում արդեն կա նման հնարավորություն, դրանք երեխաների և պատանիների համար նախատեսված հատուկ վճարային քարտերն են։ «Նովոստի–Արմենիա» գործակալությունը կպարզաբանի` ինչու է երեխաներին անհրաժեշտ սեփական վճարային գործիքը, ինչպես կարելի է այն օգտագործել և որտեղ ձեռք բերել։

Ընդհանուր տեղեկություն

 «ՎՏԲ-Հայաստան Բանկ» ՓԲԸ–ն Visa միջազգային վճարային համակարգի հետ համատեղ երեխաների և պատանիների համար գործարկել  է գունեղ դիզայնով նոր վճարային քարտեր` Kids և Teen, որոնք երեխաների մոտ կանխիկ գումարի հարմար և անվտանգ այլընտրանք են։

VISA KID քարտերը նախատեսված են 6-12 տաեկան երեխաների համար, առանձնանում են իրենց ուրույն դիզայնով, բազմարժութային են և ուղղված են վաղ հասակից երեխաների և պատանիների մոտ ձևավորել անկանխիկ վճարումների վարքագիծ:

Kids վճարային քարտերը նախատեսված են 6–12 տարեկան երեխաների համար, Teen քարտերը` 10–18 տարեկան պատանիների համար։

Teen և Kids քարտերի թողարկումն անվճար է, տարեկան սպասարկման գումարը 1900 ՀՀ դրամ է։ Teen և Kids քարտերով առևտրի կետերում կատարվող անկանխիկ վճարումները, բոլոր ներբանկային և միջբանկային փոխանցումները ՀՀ դրամով իրականացվում են անվճար։.

Teen և Kids քարտերը բազմարժութային են և հնարավորություն են տալիս երեխաներին ու պատանիներին պահել գումարը միաժամանակ մի քանի արժույթով, իրականացնել ներբանկային և միջբանկային փոխանցումներ, վճարել ապրանքների և ծառայությունների դիմաց ինչպես Հայաստանում, այնպես էլ արտերկրում։ Իսկ պատանի հաճախորդների համար հատկապես կարևոր է, որ նրանք քարտով կարող են ինքնուրույն կատարել առցանց գնումներ։ Visa Teen և Kids քարտերը պաշտպանված են անվտանգության 3D Secure ժամանակակից համակարգի կողմից, ինչն ապահովում է համացանցում անկանխիկ վճարումների անվտանգության լրացուցիչ մակարդակ։

втб кошелек

Ինչու՞ է երեխաներին անհրաժեշտ քարտ

Երեխաների համար նախատեսված դեբետային քարտերը մեծ տարածում ունեն, և դրա համար կա մի քանի պատճառ.

  • Անկանխիկ վճարումը շատ ավելի հարմար է ու անվտանգ, քան կանխիկով գնում կատարելը, բացի այդ մանրի վերադարձի հետ կապված խնդիրներ չեն լինում։ Իսկ քարտը կորցնելու դեպքում այն կարելի է միանգամից արգելափակել` պահպանելով ամբողջ գումաը։
  • Սեփական քարտից օգտվելիս երեխան ձեռք է բերում ֆինանսական գրագիտություն։ Նա վերահսկում և մտածում է սեփական ծախսերի շուրջ, սկսում է պլանավորել բյուջեն և աստիճանաբար պատրաստվում է մեծ կյանքին։
  • Ծնողները կարող են երեխայից գրեթե աննկատ միշտ վերահսկել քարտի օգտագործումը, իմանալ, թե որքան և ինչի վրա է գումար ծախսում իրենց երեխան և որքան գումար է մնացել հաշվին։ Այդ ամենը կարելի է անել SMS-բանկինգ անվճար շուրջօրյա ծառայության, Մոբայլ/Ինտերնետ բանկինգ ծառայության, բանկային քաղվածքների միջոցով, իսկ համացանցում անկանխիկ վճարումների ժամանակ` նշելով հեռախոսահամարը 3D Secure գաղտնաբառը ստանալու համար
  • Անհրաժեշտության դեպքում ծնողները կարող են արագ գումար փոխանցել երեխայի քարտին և խուսափել տհաճ իրավիճակներից։
  • Բացի այդ, երեխան չի դիպչի մետաղադրամներին և թղթադրամներին, ինչը հատկապես ակտուալ է համաճարակի պայմաններում։

Նման քարտերի միակ բացասական կողմն այն է, որ երեխաները հաճախ կորցնում են իրական փողի զգացողությունը, այդ պատճառով կարող են սկսել ծախսել ավելի շատ, քան թույլատրված էր։ Նման իրավիճակից խուսափելու համար գործում են Teen և Kids քարտերով կանխիկ և անկանխիկ գործառնությունների քանակի սահմանափակումներ. օրական մինչև 5 անգամ կանխիկի և մինչև 10 անգամ անկանխիկի դեպքում։ Բացի այդ, ներդրված է օրական կանխիկ գործարքների առավելագույն քանակ. Teen քարտերով` մինչև 100 հազար դրամ, Kids քարտերով` մինչև 50 հազար դրամ։

втб кошелек

Իսկ ինչպե՞ս ձեռք բերել բանկային քարտ երեխայի համար

Teen և Kids քարտերը կարող են բացվել 2 եղանակով.

  • որպես հիմնական քարտ, այս դեպքում երեխան/պատանին հանդես է գալիս որպես բանկի առանձին հաճախորդ։ Ծնողն ինքն է որոշում օրական կամ ամսական որքան գումար փոխանցել իր երեխայի հաշվին` այդ կերպ վերահսկելով նրա ծախսերը
  • որպես ծնողի վճարային քարտին կից քարտ, այս դեպքում երեխայի քարտը կցվում է ծնողի  դեբետային քարտի հաշիվներին
  • Teen և Kids քարտերը բացելու համար անհրաժեշտ է ներկայացնել անձը հաստատող փաստաթղթերի նվազագույն փաթեթ (անձնագիր, սոցիալական քարտ)։ 14 տարին չլրացած երեխայի դեպքում անհրաժեշտ է նաև ներկայացնել ծնողի անձը հաստատող փաստաթղթերը։ Այս դեպքում դիմում-պայմանագրերը և այլ փաստաթղթերը ստորագրվում են բացառապես ծնողի կամ օրինական ներկայացուցչի կողմից: Եթե քարտը թողարկում է որպես վճարային քարտին կից քարտ, պետք է միայն ներկայացնել երեխայի ծննդյան վկայականը։ Քարտը կարելի է ստանալ 1 բանկային օրվա ընթացքում։ 

Անվտանգության կանոններ

Մինչև երեխան ստանա իր առաջին բանկային քարտը նա պետք է ծանոթ լինի անվտանգության կանոններին։

Ինչի՞ մասին է պետք հիշել

– ծնողներից բացի, ոչ մեկին չտալ քարտը, նույնիսկ կարճ ժամանակով

– գաղտնաբառը չգրել քարտի վրա և չպահել այն քարտի հետ

– խանութում կամ բանկոմատում գաղտնաբառը մուտքագրելիս` ձեռքով փակել ստեղնաշարը

– երբեք չասել քարտի դարձերեսին գրված կոդը (CVC/CVV)

– ոչ մեկին չասել գաղտնաբառը, որը ստացվում է SMS հաղորդագրության միջոցով գնում կատարելիս

Եվ ամենակարևորը. եթե քարտը կորել է, պետք է դրա մասին միանգամից տեղեկացնել ծնողներին և զանգել թեժ գիծ` այն արգելափակելու համար։ Պետք է երեխային պատմել, թե ինչպես են խաբեբաները փորձում քարտեր «որսալ», ինչպես են փորձում վստահություն նվաճել, հատկապես` երեխայի մոտ։

Այդուհանդերձ որևէ սարսափելի բան տեղի չի ունենա, եթե երեխայի քարտը գողանան։ Առաջինը, ամենայն հավանականությամբ քարտի վրա մեծ գումար չի լինի, և երկրորդը` նման տհաճ իրավիճակը իսկական դաս կլինի դյուրահավատ տղաների և աղջիկների համար։ Եվ նրանք ապագայում կլինեն շատ ավելի զգույշ ֆինանսական հարցերում։

Նյութը պատրաստվել է ԱՄԻ «Նովոստի–Արմենիա»– ի և ՀՀ կենտրոնական բանկի Սպառողների շահերի պաշտպանության և ֆինանսական կրթման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
11:08
30 Հունվարի 2023
Կանայք բիզնեսում. պարզ կարծրատիպեր
Երբ Հայաստանում խոսում են բիզնեսի և գործարարների մասին, սովորաբար նկատի ունեն տղամարդկանց։ Թեև, ըստ վիճակագրության, վերջին տարիներին կանանց ձեռներեցության մասնաբաժինը երկրում անշեղորեն աճում է
10:43
20 Հունվարի 2023
Վարկի վաղաժամ մարում. դրական և բացասական կողմերը
Ցանկանում եք ժամկետից շուտ մարե՞լ վարկը, բայց կասկածում եք՝ արդյոք նման քայլը նպատակահարմա՞ր է, թե՞ոչ: «Նովոստի–Արմենիա»–ն ուսումնասիրել է խնդիրը և ներկայացնում է դրական ու բացասական կողմերը
11:00
28 Դեկտեմբերի 2022
2023թ.-ի ֆինանսական հորոսկոպ. կենդանակերպի ո՞ր նշանին կժպտա բախտը
Գալիք 2023 թվականը գտնվելու է Սև ջրային ճագարի  հովանու ներքո: Ըստ արևելյան օրացույցի՝ այն կսկսվի հունվարի 22-ին։ Ինչպիսի՞ն կլինի այն ֆինանսապես և ի՞նչ է պատրաստում կենդանակերպի յուրաքանչյուր նշանի համար
10:35
23 Դեկտեմբերի 2022
Ինչպե՞ս դիմավորել Ամանորն ուրախ և չհայտնվել պարտքերի մեջ
Ինչպե՞ս կարելի է Ամանորը դիմավորել հետաքրքիր՝ միաժամանակ «չսնանկանալ» ու չանցնել խիստ տնտեսման ռեժիմի հետամանորյա օրերին
10:23
15 Դեկտեմբերի 2022
Հետևել ծախսերին և սովորեցնել երեխաներին տնօրինել գումարը. երեխաների համար բանկային քարտ բացելու 5 պատճառ
Մեծահասակների համար բանկային քարտն արդեն դարձել է կյանքի անբաժանելի մասը, իսկ, արդոք, այն պե՞տք է երեխաներին
09:30
07 Դեկտեմբերի 2022
Թեստ. կարելի՞ է սոցցանցում վաստակել միլիոններ մկնիկի մեկ սեղմումով կամ գնել բրենդային իր 1 դոլարով
Թեստ. կարելի՞ է սոցցանցում վաստակել միլիոններ մկնիկի մեկ սեղմումով կամ գնել բրենդային իր 1 դոլարով
10:38
29 Նոյեմբերի 2022
Բժշկական պարտադիր ապահովագրությունը Հայաստանում. սկզբունքներ և նպատակներ
Փորձել ենք պարզել, թե ինչ հիմնական նպատակներ և սկզբունքներ են ամրագրված նախագծի հայեցակարգում
12:00
22 Նոյեմբերի 2022
Իսկ դուք գիտե՞ք.10 հետաքրքիր փաստ հայկական դրամի մասին
Հայկական փողի առաջացման պատմությունն իր արմատներով գնում է հին ժամանակներ։ 1993 թվականի նոյեմբերի 22-ը համարվում է ժամանակակից հայկական ազգային արժույթի՝ «դրամի» ծննդյան օրը։ «Նովոստի–Արմենիա» գործակալությունը ներկայացնում է 10 հետաքրքիր փաստ հայկական փողի մասին։
11:07
17 Նոյեմբերի 2022
Google Pay-ը եկել է հայկական շուկա. ներկայացնում ենք դրա առավելությունները
Նոյեմբերի 15-ից հայաստանցիների համար հասանելի դարձավ Google Pay վճարային համակարգը, որը նոր հնարավորություններ է բացում էլեկտրոնային վճարումների ոլորտում ինչպես Հայաստանում, այնպես էլ դրա սահմաններից դուրս
14:40
15 Նոյեմբերի 2022
Ինչպե՞ս դառնալ անհատ ձեռներեց Հայաստանում
Երբևէ մտածե՞լ եք սեփական բիզնես հիմնելու մասին: Եթե՝ այո, ապա մտածեք անհատ ձեռներեցության (ԱՁ) մասին: «Նովոստի-Արմենիա» գործակալությունը պատմում է, թե ինչ է ԱՁ-ն, ինչպես կարելի է դառնալ անհետ ձեռներեց և ինչ պետք է անել:
10:11
07 Նոյեմբերի 2022
Ինչու՞ է կարևոր լինել կրթված ֆինանսական հարցերում. 7 պատճառ
Ֆինանսական պրոդուկտների և ծառայությունների աշխարհը, որտեղ մենք ապրում ենք, պահանջում է որոշակի հմտություններ և գիտելիքներ: Եվ որպեսզի չզգաք ձեզ դիլետանտ և ինչ-որ կերպ կարողանաք կողմնորոշվել ֆինանսական հարցերում, անհրաժեշտ է լինել կրթված: Եվ դրա համար շատ պատճառներ կան, բայց դրանցից 7-ը, թերևս, ամենաարդիականն են։
11:10
27 Հոկտեմբերի 2022
Ինչո՞ւ փողը միշտ չի բավականացնում և ի՞նչ անել նման իրավիճակում
Փողն ունի զարմանալի մի հատկություն՝ այն միշտ չի բավականացնում: Ինչու՞: Դրա համար կան օբյեկտիվ և սուբյեկտիվ պատճառներ