2025թ․–ի ֆինանսական հորոսկոպ․ ճշգրիտ հաշվարկ կամ ամերիկյան բլրակներ
ԵՐԵՎԱՆ, 20 դեկտեմբերի․/Նովոստի–Արմենիա/․ Ըստ արևելյան օրացույցի՝ 2025 թվականը կանցնի Կանաչ փայտե օձի հովանու ներքո։ Այն կսկսվի 2025 թվականի հունվարի 29-ին և կավարտվի 2026 թվականի փետրվարի 16-ին։ Ֆինանսապես ինչպիսի՞ն է լինելու Օձի տարին և ի՞նչ է այն պատրաստում կենդանակերպի յուրաքանչյուր նշանի համար: Այս հարցերին պատասխանելու համար «Նովոստի–Արմենիա» գործակալությունը ծանոթացել է աստղագուշակների կանխատեսումներին՝ առանձնացնելով դրանց ֆինանսական բաղադրիչը։
Աստղագուշակները վստահեցնում են, որ քանի որ այս տարվա խորհրդանիշը իմաստություն ու հաշվարկը խորհրդանշող Կանաչ օձն է, այն չի հանդուրժում չմտածված որոշումներ և ռիսկային արկածներ։ Ֆինանսական բարեկեցության ճանապարհին ձեր կատարած յուրաքանչյուր քայլ պետք է լինի կշռադատված և մտածված։
Խոյ (մարտի 21 - ապրիլի 19)
Խոյի նշանի տակ ծնված մարդիկ Օձի տարվա անհերքելի հաջողակներն են։ Խոյերի բնական էներգիան և նախաձեռնողականություն թույլ կտան հաջողությամբ ներդրումներ կատարել 2025 թվականին։ Տարվա երկրորդ կեսը հատկապես բարենպաստ կլինի ռիսկային, բայց հեռանկարային նախագծերի համար։ Նախքան կարևոր ֆինանսական որոշումներ կայացնելը մի մոռացեք վերլուծել բոլոր դրական և բացասական կողմերը և խորհրդակցել փորձագետների հետ: Ձեր ներդրումային պորտֆելի դիվերսիֆիկացումը կամրապնդի ձեր դիրքը և կնվազեցնի կախվածությունը յուրաքանչյուր ակտիվի տատանումից։
Ցուլ (ապրիլի 21 - մայիսի 20)
Ցուլերի համար 2025 թվականն ընդհանուր առմամբ հիանալի ժամանակ կլինի երկարաժամկետ ֆինանսական կայունությունն ամրապնդելու համար։ Ձեր համբերությունն ու հաստատակամությունը կօգնեն հասնել զգալի արդյունքների։ Անշարժ գույքի, արժեթղթերի կամ կրթության մեջ ներդրումները ապագայում շոշափելի շահույթ կբերեն:
Երկվորյակ (մայիսի 21 - հունիսի 20)
Երկվորյակներ, 2025 թվականը խոստանում է ձեզ համար լինել ֆինանսական հաջող տարի, եթե կարողանաք հարմարվել փոփոխություններին։ Օձի տարին բազմաթիվ հնարավորություններ կտա գումար աշխատելու համար, սակայն կպահանջի նաև ճկունություն պլանավորման հարցում։ Պատրաստ եղեք անսպասելի ծախսերին, որոնք կարող են էապես ազդել ձեր ֆինանսական վիճակի վրա, նոր առաջարկներին և դրանց իրականացման համար եկամտի հեռանկարային աղբյուրների որոնմանը։
Խեցգետին (հունիսի 21 - հուլիսի 22)
Խեցգետին, ձեր քրտնաջան աշխատանքի ու համառության շնորհիվ 2025 թվականին կկարողանաք ֆինանսական հաջողությունների հասնել։ Ձեր ինտուիցիան և պլանավորելու ունակությունը կօգնեն ճիշտ որոշումներ կայացնել և խուսափել ռիսկային ներդրումներից: Միևնույն ժամանակ, մի բավարարվեք ձեռք բերածով, շարունակեք աշխատել ինքներդ ձեզ վրա, սովորեք նոր հմտություններ և մի վախեցեք դուրս գալ հարմարավետության գոտուց: Ներդրումներ կատարեք երկարաժամկետ նախագծերում, ինչպիսիք են անշարժ գույքը կամ կրթությունը: Դրանք կդառնան ձեր ապագա ֆինանսական բարեկեցության հուսալի հիմքն ու երաշխիքը»
Առյուծ (հուլիսի 23 - օգոստոսի 22)
Առյուծները, ովքեր ունեն բնական հմայք և առաջնորդական որակներ, 2025 թվականին կկարողանան ցուցադրել իրենց տաղանդը բիզնեսում և ձեռներեցության մեջ։ Օձի տարին աջակցում է համարձակ ջանքերին, այնպես որ մի վախեցեք նախաձեռնող լինել և հավակնոտ նախագծեր ձեռնարկել: Ուրիշներին ոգեշնչելու ձեր ունակությունը կօգնի ներգրավել անհրաժեշտ ռեսուրսներ և հասնել ֆինանսական հաջողությունների:
Կույս (օգոստոսի 23 – սեպտեմբերի 22)
2025 թվականը Կույսերին ֆինանսական աճի և անձնական զարգացման եզակի հնարավորություններ կտա։ Սակայն դրանցից օգտվելու համար ստիպված կլինեք զոհաբերել հարմարավետությունը և պատրաստ լինել փոփոխությունների։ Տնտեսական դժվարին պայմաններում մեծանում է ֆինանսական նոր հնարավորություններ որոնելու և ֆինանսական պլանավորման հմտությունները կատարելագործելու անհրաժեշտությունը։ Արդյունքում Կույսերը կամրապնդեն իրենց նյութական բարեկեցությունը, ինչպես նաև ձեռք կբերեն փորձ, որը կօգնի հասնել էլ ավելի մեծ հաջողությունների։
Կշեռք (սեպտեմբերի 23 - հոկտեմբերի 22)
Չնայած ֆինանսական դրական հեռանկարին, Կշեռքներին խորհուրդ է տրվում ուշադիր պլանավորել ծախսերը 2025 թվականին: Կանաչ օձը հաջողություն կբերի, սակայն կայունությունը պահպանելու համար Կշեռքները պետք է սովորեն միջոցները արդյունավետ բաշխել։ Երկարաժամկետ ֆինանսական բարեկեցության համար Կշեռքներին անհրաժեշտ են լրացուցիչ ներդրումներ սեփական կրթության և զարգացման համար:
Օձի տարին շատ բարենպաստ ֆինանսական հնարավորություններ կբերի Կարիճներին, սակայն դրանցից հաջողությամբ օգտվելու համար անհրաժեշտ է նպատակասլացություն։ Մասնակցությունը նոր նախագծերին, համարձակ ներդրումները և շահավետ առաջարկները ճանաչելու ունակությունը կօգնեն Կարիճներին ավելացնել եկամուտը և հասնել կայունության:
Աղեղնավոր (նոյեմբերի 22 - դեկտեմբերի 21)
Աղեղնավորների ֆինանսական վիճակը 2025 թվականին զգալի տատանումների կենթարկվի։ Վերելքների ժամանակաշրջաններին կհաջորդեն անկումներ։ Ֆինանսների կառավարման նկատմամբ համակարգված մոտեցումը կօգնի հանգստացնել այդ ճոճանակները, ինչպես նաև հասնել կայունության և ֆինանսական անկախության: Այս նպատակներին հասնելու համար Աղեղնավորը պետք է մշակի ռազմավարություն, որը ներառում է ծախսերի օպտիմալացում, շահույթի այլընտրանքային աղբյուրների որոնում և պահուստային ֆոնդի ձևավորում:
Այծեղջյուր (դեկտեմբերի 22 - հունվարի 19)
Օձի տարին Այծեղջյուրներին ֆինանսական կայունություն և ապագայի նկատմամբ վստահություն կբերի։ Թեեւ եկամտի կտրուկ թռիչքներ չեն սպասվում, դուք կզգաք ձեր դիրքերի աստիճանական ամրապնդում, հատկապես փետրվարից սկսած։ Այնուամենայնիվ, մի մոռացեք, որ ֆինանսական հաջողությունն ուղղակիորեն կապված է քրտնաջան աշխատանքի և պլանավորման հետ։ Ուշադրություն դարձրեք նաև փողի ռացիոնալ կառավարմանը և խուսափեք իմպուլսիվ ծախսերից:
Ջրհոս (հունվարի 20 - փետրվարի 18)
Ջրհոսների ֆինանսական կյանքը 2025 թվականին նման կլինի ամերիկյան բլրակների։ Անսպասելի վերելքները կփոխարինվեն հանկարծակի անկումներով: Դժվար կլինի հստակ պլաններ կազմել, քանի որ հանգամանքները շատ արագ կփոխվեն։ Որպեսզի չհայտնվեք բարդ իրավիճակում, աշխատեք լինել տնտեսող և ինքնաբուխ գնումները հետաձգել մինչև ավելի լավ ժամանակներ։
Ձկներ (փետրվարի 19 – մարտի 20)
2025 թվականին Ձկների ֆինանսական վիճակը կմնա կայուն և առանց էական փոփոխությունների։ Երկարաժամկետ բարեկեցությունը պահանջում է ռացիոնալ ֆինանսական պլանավորում և կարգապահ մոտեցում ծախսերի կառավարման հարցում: Կանոնավոր կերպով վերլուծեք ձեր ծախսերը, մի կողմ դրեք ձեր եկամտի մի մասը անկանխատեսելի իրավիճակների համար և ներդրումներ կատարեք ձեր ապագայում: Այս մոտեցումը թույլ կտա ոչ միայն պահպանել ներկա դիրքը, այլեւ բարելավել այն։
