544.18
6.38
483.07
+4
Եղանակը Երևանում
Հայ

Խնայողությունների համաշխարհային օր. ինչպե՞ս կարելի է գումար տնտեսել

10:27
31 Հոկտեմբերի 2018

ԵՐԵՎԱՆ, 31 հոկտեմբերի. /Նովոստի–Արմենիա/. Խնայողությունների համաշխարհային օրը (World saving day) ամեն տարի նշվում է հոկտեմբերի 31–ին։ Այս գաղափարը «ծնվել է» հեռավոր 1924 թ.–ին, երբ Միլանում կայացած Խնայբանկերի առաջին միջազգային կոնգրեսի ավարտից հետո առաջարկվեց հոկտեմբերի վերջին օրը նշել որպես Խնայողությունների համաշխարհային օր։ 

Իտալացի պրոֆեսոր Ռավիզան (Ravizza) հռչակեց այն Խնայողությունների միջազգային օր։ Տոնը բավականին արագ ձեռք բերեց ավելի լայն նշանակություն, քան մտածել էին հիմնադիրները` հիշեցնել մարդկանց գումար տնտեսելու և խնայողության մասին։ Խնայողությունների համաշխարհային օրն իր նոր որակով նախատեսում է հոգատար վերաբերմունք սեփական առողջության, իրերի, բնական ռեսուրսների` ջրի, անտառների, նավթի, գազի, ածուխի և այլ օգտական հանածոների նկատմամբ, որոնք տարեցտարի նվազում են։1989 թ.–ին Խնայողությունների համաշխարհային օրը պաշտոնապես ամրագրվեց ՄԱԿ–ի դիրեկտիվով։ Այսօր շատերը մոռացել են այդ օրվա գոյության մասին մասամբ այն պատճառով, որ այն համընկնում է Հելոուինի հետ։ 

Տնտեսող Հայաստան 

кошелек сбережения

Հայաստանում ևս նշվում է Խնայողությունների համաշխարհային օրը, ինչը շատ ակտուալ է երկրի համար, որտեղ մարդիկ բավականին տնտեսող են և սիրում են գումար «հետ դնել»։ Հայաստանում Խնայողությունների համաշխարհային օրը սկսել են նշել 2012 թ.–ից։ Ամեն տարի երկրում կազմակերպվում են տարաբնույթ միջոցառումներ`ուղղված խնայողությունները և կուտակումները բազմապատկելու տարբեր միջոցների ներկայացմանը։

Ինչպես ցույց է տալիս վիճակագրությունը, խնայողությունների բոլոր միջոցներից հայերն ամենաշատը նախընտրում են բանկային ավանդները, որոնց ծավալը տարեցտարի աճում է, ինչի պատճառը Հայաստանի բանկային համակարգի ֆինանսական կայունությունն է` եկամտի երաշխավորությամբ և դեպոզիտների ապահովագրմամբ։ Այս ամենը վստահություն է ներշնչում, որ եթե անգամ բանկի հետ ինչ–որ բան պատահի, ապա քաղաքացիները չեն կորցնի իրենց կուտակումները։

Խնայողությունները միայն գումար ու փող չեն

Խոսելով խնայողությունների մասին` մարդիկ, առաջին հերթին, պատկերացնում են գումար։ Սակայն այս եզրույթն ունի ավելի լայն նշանակություն. սեփական ուժերի և առողջության խելամիտ օգտագործում, ինչպես նաև հոգատար վերաբերմունք իրերի նկատմամբ։ Այս ամենը ևս կարևոր է, քանի որ կենցաղային իրերի նկատմամբ հոգատար վերաբերմունքը թւոյլ կտա երկարացնել դրանց օգտագործման ժամկետն ու տնտեսել ռեսուրսները։ Հոգատար պետք է վերաբերվել նաև շրջակա միջավայրին և բնական ռեսուրսներին, որոնց հնարավորությունները, ցավոք, սահմանափակ են։ 

Ի՞նչ տնտեսել և ինչպե՞ս 

Տնտեսել կարելի է շատ բան, սակայն չարժե հասնել ծայրահեղությունների` սահմանափակելով սնունդը, առողջության ու կենսական այլ կարևոր բաների համար նախատեսված ծախսերը։ Տնտեսել կարելի է ամեն ինչի վրա, կարևորը հարցին գրագետ մոտենալն է։ 

Տնտեսում ենք էլեկտրաէներգիան և գազը 

кошелек сбережения

Դրա համար պարզապես հարկավոր է անջատել լույսն ու էլեկտրական սարքերը, որոնցով դուք այդ պահին չեք օգտվում։ Խորհուրդ չէ տրվում ողջ գիշերը լիցքավորման թողնել գաջեթները (դա նաև կերկարացնի նրանց «կյանքը»)։ Բացի այդ, հարկավոր է ճիշտ լցնել հագուստն ու սպիտակեղենը լվացքի մեքենայի մեջ, քանի որ գերծանրաբեռնվածության կամ ոչ բավարար ծանրաբեռնվածության դեպքում լվացքի մեքենան կարող է ծախսել 10-15% ավել էլեկտրաէներգիա։ Գազը տնտեսելու համար հարկավոր է պարզապես ընտրել ճիշտ ամանեղեն`գազօջախի վերևի հատվածի չափսով` ավել գազ չօգտագործելու համար։ Եթե ձեր գազօջախն ինդուկցիոն է, ապա ձեռք բերեք համապատասխան սպասք, որը տաքանում է ավելի արագ և թույլ է տալիս գազ տնտեսել։ 

Տնտեսում ենք ջուրը 

Պետք չէ ամբողջությամբ բացել ջրի ծորակը, եթե դուք պարզապես ուզում եք լվանալ ձեռքերը և փակեք այն ատամները լվանալիս։ Թվում է, թե այս ամենի հետևանքով գրանցվում է ջրի նվազագույն կորուստ, սակայն ստուգեք, թե որքա՞ն շատ կարող եք տնտեսել մեկ ամսվա, մեկ տարվա ընթացքում։ 

Կատարում ենք խելամիտ գնումներ

кошелек копить 

Գնումներ կատարել և սննդի վրա տնտեսել ևս պետք է գրագետ։ Ավել գումար չծախսելու համար փորձեք գնալ գնումների ցուցակով և չշեղվել դրանից։ Միաժամանակ, որոշ փորձագետներ խորհուրդ են տալիս չգնալ գնումների քաղցած վիճակում և աշխատավարձ ստանալու օրը։ Եվ, որքան տարօրինակ է, սակայն նրանք խորհուրդ չեն տալիս վճարել պլաստիկ քարտով, այլ միայն կանխիկով: Կարծիք կա, որ կանխիկ գումարին հրաժեշտ տալն ավելի ծանր է, և դուք չեք գնի ավել իրեր։ Ընդ որում, խորհուրդ է տրվում խանութ գնալ առանց երեխաների, քանի որ երեխաներին չեք կարող մերժել, եթե նրանք խանութում որևէ չպլանավորած իր ուզեն։ Արդյունքում, կծախսեք պլանավորվածից մի քանի անգամ ավելի շատ, և կգնեք անպետք իրեր։ Երբեմն ավելի ցածր գները մեզ ստիպում են գնել ավելի շատ մթերք, քան հարկավոր է։ Մի գայթակղվեք, գնեք այնքան, որքան կարող եք ուտել։ Ուշադրություն դարձրեք տարբեր խանութների ակցիաներին, սակայն մի մոռացեք համեմատել գները նաև այլ առևտրային կետերում։ 

Տնտեսում ենք և խնայում

кошелек сбережения

Անգամ փոքր աշխատավարձի դեպքում կարելի է սովորել ոչ միայն տնտեսել, այլև գումար «հետ դնել»։ Ի դեպ, կոնկրետ նպատակի դեպքում գումար խնայելը դառնում է շատ ավելի հեշտ։ Դրա համար պետք է հասկանալ, թե որքան գումար է հարկավոր և հաշվել, թե ամսական եկամտից որքան կարող եք խնայել։ Կարևոր է գումարը «հետ դնել» միանգամից` աշխատավարձ ստանալու առաջին օրը և ցանկալի է դա անել բանկային հաշվի վրա կամ խնայատուփում, որը հնարավոր չէ բացել առանց կոտրելու, որպեսզի այն դառնա ձեր անձեռնմխելի պաշարը։ 

Շատ կարևոր է իրականացնել ծախսերի և եկամուտների հաշվարկ։ Խորհուրդ է տրվում չվերցնել վարկ, եթե այն անսպասելի և պարտադիր ծախս չէ։ Ունեցեք փոքրիկ խնայատուփ, որտեղ կհավաքեք ձեր կարծիքով այդ պահին ոչ այնքան «պետքական» մանրադրամը։ Որոշ ժամանակ անց կնկատեք, որ «անպետք» մանրադրամը վերածվել է բավականին «կլորիկ» գումարի։ Եթե ամսական ծախսերի արդյունքում մնացել է որոշակի գումար, փորձեք չծախսել այն, այլ «հետ դրեք» և ինքներդ էլ չեք նկատի, թե ինչպես տարեվերջում ձեր խնայողությունները լրջորեն կավելանան։ 

Խնայողությունների միջազգային օրը և ոչ միայն հոկտեմբերի 31–ին հիշեք տնտեսելու մասին և խորհուրդ տվեք ձեր մտերիմներին ավելի ռացիոնալ ծախսել ուժերն ու միջոցները։ 

Նյութը պատրաստվել է ԱՄԻ «Նովոստի–Արմենիա»–ի և ՀՀ կենտրոնական բանկի Սպառողների շահերի պաշտպանության և ֆինանսական կրթման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում -0-

Partners News
Partners News
Թեմատիկ նյութեր
ԱՌԿԱ գործակալություն
Բաժնի այլ նյութեր
11:00
22 Նոյեմբերի 2021
Թեստ. ի՞նչ գիտեք դրամի և դրամական համակարգի մասին
Առաջարկում ենք անցնել «Նովոստի–Արմենիա» գործակալության թեստը` ստուգելով, թե որքան տեղեկացված եք ազգային արժույթի և դրամական համակարգի մասին։
10:45
17 Նոյեմբերի 2021
Ինչպես ճիշտ պարտքով գումար տալ. 8 պարզ խորհուրդ
8 խորհուրդ այն մասին, թե ինչպես է ճիշտ գումար պարտքով տալ, որպեսզի այն ձեզ հաստատ վերադարձնեն և դուք ստիպված չլինեք ծախսել ձեր թանկարժեք ժամանակն անբարեխիղճ պարտապաններին փնտրելու համար
11:00
04 Նոյեմբերի 2021
Թեստ. ՀԴՄ, ակցիզներ, տուրքեր. ստուգեք ձեր գիտելիքները հարկային ոլորտում
Առաջարկում ենք թեստ անցնել` իմանալու համար, թե որքան վստահ եք կողմնորոշվում հարկերի հետ կապված հարցերում։
11:51
26 Հոկտեմբերի 2021
Ինչպե՞ս չհայտնվել ֆինանսական ստրկության մեջ. 8 խորհուրդ
Այսօր որոշել ենք խոսել այն մասին, թե ինչպես կարելի է փողերի նկատմամբ սպառողական վերաբերմունքից անցնել կառավարման վերաբերմունքի, քանի որ հենց առաջինն ուղիղ տանում է ֆինանսական ստրկություն
10:17
12 Հոկտեմբերի 2021
Մանկական վճարային քարտ. ի՞նչ է դա և ինչի՞ համար է անհրաժեշտ
Ուզու՞մ եք ձեր երեխային սովորեցնել գրագետ օգտվել ֆինանսներից, ինչպես նաև տեղյակ լինել, թե ինչպես է նա տնօրինում գրպանի փողերը։ Հայաստանում արդեն կա նման հնարավորություն, դրանք երեխաների և պատանիների համար նախատեսված հատուկ վճարային քարտերն են։ Պարզաբանում ենք` ինչու է երեխաներին անհրաժեշտ սեփական վճարային գործիքը, ինչպես կարելի է այն օգտագործել և որտեղ ձեռք բերել
14:49
30 Սեպտեմբերի 2021
Կտակե՞լ, թե՞ նվիրատվություն անել. պարզում ենք տարբերությունը
Որոշել ենք անդրադառնալ Հայաստանում նվիրատվության ընթացակարգին և հնարավոր թաքնված կողմերին
10:15
15 Սեպտեմբերի 2021
ԿԲ-ն գործարկել է առավել շահավետ ֆինանսական ծառայություններ որոնելու հարթակ, պարզաբանում ենք՝ ինչպե՞ս է այն գործում
Զրուցել ենք ԿԲ ֆինանսական կրթման մասնագետ, կայքի փրոդաքտ մենեջեր Դավիթ Խառատյանի հետ այն մասին, թե քաղաքացիների առաջ ինչ հնարավորություն է բացում fininfo.am–ը և ինչու է անհրաժեշտ օգտվել դրանից ֆինանսական ծառայություն ընտրելիս
12:11
09 Սեպտեմբերի 2021
Ի՞նչ է պետք իմանալ ժառանգությունն ընդունելուց առաջ
Ի՞նչ է պետք իմանալ ժառանգությունն ընդունելուց առաջ
12:07
25 Օգոստոսի 2021
5 օգտակար digital գործիքներ` սկսնակների համար
Ներկայացնում ենք սոցցանցերում կոնտենտ, հրապարակումներ ստեղծելու և դիզայներական լուծումների անփոխարինելի գործիքներ
10:54
17 Օգոստոսի 2021
Ինչու՞ է անհրաժեշտ վեբ վերլուծությունը ձեր բիզնեսի համար
Հիմա ոչ մի բիզնես իրեն չի կարող թույլ տալ աշխատել առանց վերլուծության: Վեբ վերլուծության ծառայություններն օգնում են թվերը համապատասխանեցնել կարևոր հարցերի պատասխանների հետ: Մենք օրինակներով ցույց կտա, թե ինչու է դա կարևոր
09:30
30 Հուլիսի 2021
Թեստ. ստուգեք ֆինանսական գրագիտության ոլորտի գիտելիքները
Վստահ լինելու համար փորձեք անցնել «Նովոստի–Արմենիա» գործակալության պատրաստած թեստը, որը կօգնի պարզել, թե որքան լավ եք յուրացրել այս կարևոր ոլորտի նրբությունները։
12:22
22 Հուլիսի 2021
Հայկական թղթադրամի պաշտպանության 5 կետ
Ներկայացնում ենք հինգ մեթոդ, որոնք ներդրել է ԿԲ–ն` հայկական դրամը պաշտպանելու համար