ՀԱՊԿ մասնակիցները Մոսկվայում կքննարկեն անդրազգային թմրահանցավորության դեմ պայքարի հարցերը

ՀԱՊԿ անդամ պետությունների Թմրանյութերի անօրինական շրջանառությանը հակազդող իրավասու մարմինների ղեկավարների կոորդինացիոն խորհուրդը երկուշաբթի Մոսկվայում կքննարկի անդրազգային թմրահանցավորության դեմ պայքարի հարցերը։

Ինչպես ավելի վաղ «ՌԻԱ Նովոստիին» հայտնել էր ՀԱՊԿ քարտուղարության մամուլի քարտուղար Վլադիմիր Զայնետդինովը, նիստի ժամանակ նաև կքննարկվի  Թմրամիջոցների շրջանառությանը վերաբերող հարցերի տվյալների միավորված բանկի զարգացումը։

«ՀԱՊԿ Միավորված շտաբում նոյեմբերի 22-ին տեղի կունենա ՀԱՊԿ անդամ պետությունների Թմրանյութերի անօրինական շրջանառությանը հակազդող իրավասու մարմինների ղեկավարների կոորդինացիոն խորհրդի հերթական (իններորդ) նիստը»,- ասաց Զայնետդինովը։

Նա ընդգծեց, որ նիստին ներկա կլինեն Հանցավոր եկամուտների օրինականացմանը և ահաբեկչության ֆինանսավորմանը հակազդող Եվրասիական խմբի, ԱՊՀ մաքսային ծառայությունների ղեկավարների խորհրդի, ԱՊՀ սահմանապահ զորքերի հրամանատարական խորհրդի, ՌԴ գործադիր իշխանությունների մարմինների ներկայացուցիչները, Եվրոպոլի դիտորդները, ինչպես նաև ԱՄՆ-ի, Չինաստանի, Իտալիայի, Լիտվայի, Լատվիայի, Էստոնիայի, Լեհաստանի, Բուլղարիայի, Թուրքիայի, Ադրբեջանի, Ուկրաինայի, Վենեսուելայի, Իրանի, Սիրիայի հակաթմրանյութային գերատեսչությունների ներկայացուցիչները։

ՀԱՊԿ-ն յոթ երկրների՝ Հայաստանի, Բելառուսի, Ղազախստանի, Ղրղզստանի, Ռուսաստանի, Տաջիկստանի և Ուզբեկստանի, ռազմաքաղաքական միություն է: -0-