Փոշու և ազոտի երկօքսիդի կոնցենտրացիան Երևանում հոկտեմբերի երկրորդ տասնօրյակում գերազանցել է թույլատրելի սահմանը

ԵՐԵՎԱՆ, 24 հոկտեմբերի․/Նովոստի–Արմենիա/․ Երևանում օդում փոշու և ազոտի երկօքսիդի սահմանային թույլատրելի կոնցենտրացիայի գերազանցում է արձանագրվել:

Այս մասին հայտնում է Հիդրոօդերևութաբանության և մոնիթորինգի կենտրոնը՝ հոկտեմբերի 14-ից 20-ն ընկած ժամանակահատվածում մայրաքաղաքի տարբեր շրջաններում իրականացված դիտարկումների արդյունքներով։

Փոշու պարունակությունը գերազանցել է սահմանային թույլատրելի կոնցենտրացիան․

-Կենտրոնում՝ հոկտեմբերի 15-ից 19-ը,

-Արաբկիրում՝ հոկտեմբերի 20-ին,

-Շենգավիթում և Նոր Նորքում՝ չեն գերազանցել։

Ազոտի երկօքսիդի պարունակությունը գերազանցել Է սահմանային թույլատրելի կոնցենտրացիան․

-Կենտրոնում՝ հոկտեմբերի 14-ին,

-Արաբկիրում և Շենգավիթում և Նոր Նորքում չեն գերազանցել։

Ծծմբի երկօքսիդի պարունակությունը չի գերազանցել սահմանային թույլատրելի կոնցենտրացիան։