Արոնյանն առանց կորուստների առաջ է շարժվում Նալչիկում անցկացվող ՖԻԴԵ-ի Գրան-Պրիի մրցաշարում

Գրոսմայստեր Լևոն Արոնյանը հաղթանակ է տարել մեկնարկային երկու հանդիպումներում և գլխավորել է Նալչիկում անցկացվող Grand Prix FIDE շարքի չորրորդ փուլի մրցաշարային աղյուսակը, հաղորդում է մրցաշարի պաշտոնական կայքը։

Առաջին փուլում ադրբեջանցի Շահրիար Մամեդյարովի նկատմամբ հաղթանակ տանելուց հետո նախօրեին տեղի ունեցած երկրորդ փուլում Արոնյանը պարտության է մատնել իր հայրենակից Վլադիմիր Հակոբյանին և վաստակել  2 միավոր։

1,5-ական միավոր ունեն ռուս Պյոտր Սվիդլերը, ով պարտության է մատնել ուկրաինացի Վասիլի Իվանչուկին և Ալեքսանդր Գրիշչուկը, ով ոչ-ոքի է խաղացել Ուկրաինան ներկայացնող Պավել Էլյանովի հետ։

Երկրորդ փուլի մյուս հանդիպումներն ավարտվել են ոչ-ոքի՝ Գատա Կամսկի (ԱՄՆ) – Էթյեն Բաքրո (Ֆրանսիա), Ռուստամ Կասիմժանով (Ուզբեկստան) – Սերգեյ Կարյակին (Ուկրաինա), Պետեր Լեկո (Հունգարիա) – Շահրիար Մամեդյարով (Ադրբեջան), Բորիս Գելֆանդ (Իսրայել) – Եվգենի Ալեքսեև (Ռուսաստան)։

Նալչիկում անցկացվող շախմատային մրցաշարը կավարտվի ապրիլի 30-ին։-0-