«Տրոյկա Դիալոգ» ներդրումային ընկերությունը ստորագրել է ՎՏԲ խմբից «Բանկ Բրոքեր» ԲԲԸ-ի (նախկին անվանումը՝ «ՎՏԲ Բանկ Բրոքեր» ԲԲԸ) բաժնետոմսերի վերահսկիչ փաթեթի գնման մասին պայմանագիր, հինգշաբթի տեղեկացրել է ընկերության մամուլի ծառայությունը։
«Գործարքի գումարը չի հրապարկվում, միաժամանակ ձեռքբերման գինը բավարարում է երկու կողմերի շահերը և գտնվում է նման դասի ակտիվների համար շուկայական գների տեսադաշտում», - ասվում է տեղեկության մասին, հաղորդում է «ՌԻԱ Նովոստին»։
Բանկի ձեռքբերման նպատակն է «Տրոյկա Դիալոգ» ընկերության բիզնեսի զարգացումը և գործողությունների ընդլայնմումը՝ ընկերության հաճախորդների աճող բազային ֆինանսական ծառայությունների լայն շրջանակ մատուցելու համար՝ ներառելով փոխառության գործողություններ իրավաբանական և ֆիզիկական անձանց մասնակցությամբ, հաշվարկային սպասարկում, այդ թվում նաև տարբեր արժույթներով հաշիվների վարում և վճարների իրականացում, ինչպես նաև առևտրային բանկի այլ ծառայություններ, տեղեկացնում է «Տրոյկա Դիալոգը»։
«Բանկ Բրոքերի ձեռքբերումը թույլ կտա «Տրոյկա Դիալոգին» իր հաճախորնդերին առաջարկել ավելի լայն հնարավորություններ՝ արժեթղթերի շուկայում գործողություններ իրականացնելու ժամանակ», - ասվում է տեղեկատվության մեջ։
Բանկի գլխավոր ներդրողի դերում «Տրոյկա Դիալոգի» առաջին քայլերից մեկը կլինի նրա կապիտալի ավելացումը։ Ընկերությունը մտադիր է նաև նախաձեռնել Մոսկվայում բանկի մասնաճյուղի բացումը, որի գլխավոր գրասենյակը գտնվում է Չիտայում։
«Տրոյկա Դիալոգ» ներդրումային ընկերությունը հիմնադրվել է 1991 թ.-ին։ Ընկերության գործունեության հիմնական ուղղություններն են արժեթղթերի հետ առևտրային գործողությունները, ներդրումաբանկային ծառայությունները, ակտիվների լիազորված ղեկավարումը, ուղիղ և վենչուրային ներդրումները։ «Տրոյկա Դիալոգ»-ին բաժին է հասնում ՌՏՍ-ի դասական շուկայում արժեթղթերի շրջանառության 39 տոկոսը և ռուբլային պարտատոմսերի շուկայի 25 տոկոսը։ 2006 թ.-ի ընթացքում ընկերության առևտրաշրջանառությունը աճել է ավելի քան 2 անգամ և գերազանցել 200 միլիարդ դոլարը, 2007 ֆինանսական տարում այն կազմել է արդեն 635 միլիարդ դոլար։ «Տրոյկա Դիալոգ»-ի կառավարման տակ գտնվող ակտիվների ընդհանուր գումարը գերազանցում է 4,2 միլիարդ դոլարը։
«Բանկ Բրոքեր» ԲԲԸ-ն (Չիտա) 2007 թ.-ի հոկտեմբերին ստացել է բանկային գործողությունների իրականացման գլխավոր լիցենզիա։ Բանկը մասնագիտացված է արժեթղթերի ռուսական շուկայում գործողությունների բրոքերային ծառայությունների մեջ։ «Տրոյկա Դիալոգ» ընկերության կողմից բանկի վերահսկիչ փաթեթր ձեռքբերումից առաջ՝ նրա բաժնետոմսերի ավելի քան 99 տոկոսը պատկանում էր ՎՏԲ-ին։-0-
