530.17
7.45
476.34
+24
Եղանակը Երևանում
Հայ

Օպերային կրքեր. Օպերայի թատրոնի կառավարման խորհրդի վերընտրման պահանջներ ու դավաճանության մեղադրանքներ

18:50
27 Մայիսի 2019

ԵՐԵՎԱՆ, 27 մայիսի./Նովոստի–Արմենիա/. Ալ. Սպենդիարյանի անվան օպերայի և բալետի ազգային ակադեմիական թատրոնի կոլեկտիվը երկուշաբթի կայացած ժողովի ընթացքում բավականին լարված մթնոլորտում քննարկեց թատրոնի կառավարման խորհրդի արձակման հարցը խորհրդի նախագահի պաշտոնում մշակույթի նախարարի պաշտոնակատար Նազենի Ղարիբյանի ընտրվելու կապակցությամբ։

Ինչպես ավելի վաղ տեղեկացրել է Մշակույթի նախարարության մամուլի ծառայությունը, Ալ. Սպենդիարյանի անվան օպերայի և բալետի ազգային ակադեմիական թատրոն» ՊՈԱԿ-ի կառավարման խորհրդի նախագահ է ընտրվել ՀՀ մշակույթի նախարարի պարտականությունները կատարող Նազենի Ղարիբյանը: Ընտրություններն անցկացվել են մայիսի 22–ին։ Թատրոնի բալետի արտիստ Սերգեյ Սաֆարյանն էլ ընտրվել է խորհրդի քարտուղար։

«Խորհրդի նախագահի պաշտոնում Նազենի Ղարիբյանի ընտրությունը չի կարող համարվել լեգիտիմ, քանի որ խորհրդի նիստին ներկա չէր թատրոնի տնօրենի պաշտոնակատար Կարինե Կիրակոսյանը։ Բացի այդ, նիստը պետք է կայանար հենց օպերայի շենքում, կոլեկտիվը պետք է տեղյակ լիներ` հաշվի առնելով արդեն մի քանի ամիս թատրոնում տիրող մթնոլորտը», – հայտարարեց Օպերայի թատրոնի դիրիժոր Հարություն Արզումանյանը կոլեկտիվի ժողովի ժամանակ։

Նշենք, որ Նազենի Ղարիբյանը ներկա չէր ժողովին։

Դիրիժորի խոսքը վրդովեցրեց Սերգեյ Սաֆարյանին և Պերճ Քարազյանին, ովքեր ներկայացնում են Օպերայի թատրոնի կոլեկտիվը Կառավարման խորհրդում։ Նրանք հայտարարեցին, որ մասնակցել են քվեարկությանը` ելնելով թատրոնի շահերից։

«Խորհրդի նախագահ պետք է լինի հեղինակություն վայելող մարդ, ով կկարողանա ներկայացնել մեր շահերը և խնդիրները կառավարության առջև»,– ասաց Քարազյանը, հիշեցնելով, որ նախագահի պաշտոնը դրանից առաջ էլ զբաղեցնում էին մշակույթի նախարարները կամ պաշտոնակատարները։

Քննարկումը վերաճել է լեզվակռվի խորհրդի անդամների և նրանց կողմնակիցների և նրանց միջև, ովքեր պնդում էին, որ Ղարիբյանի ընտրությունը և Խորհրդի նիստի լեգիտիմ չեն։ Խորհրդի անդամների հասցեին անձնակազմին դավաճանելու և անձնական հավակնությունների մեղադրանքներ հնչեցին։ Մասնավորապես, նրանց մեղադրեցին, որ նրանք հաշվի չեն առել անձնակազմի ընդհանուր կարծիքը և իրենց ձայները տվել են Ղարիբյանի օգտին, ում օպերային թատրոնում համարում են հայտնի դիրիժոր Կոնստանտին Օրբելյանին տնօրենի պաշտոնից հեռացնելու գլխավոր մեղավորը։

«Իմ դիրքորոշումը բխում էր նրանից, որ իշխանություններին աշխատելու ժամանակ է պետք տալ։ Սակայն, եթե կան սադրիչներ և ինձ դավաճան են համարում, ապա կարող եմ հրաժարական տալ»,– մեղադրանքներին ի պատասխան ասաց Քարազյանը։

Լեզվակռվի ընթացքում բարձրացվեց Խորհրդի` ինչպես կազմի, այլ նաև կառուցվածքի վերանայման հարցը։ Ժողովի մասնակիցները դժգոհություն հայտնեցին, որ 8 մարդուց բաղկացած Խորհրդի անձնակազմը ներկայացված է միայն երկու անդամներով այն դեպքում, երբ մշակույթի նախարարությունից պատվիրակված է չորսը։ Անձնակազմը միաձայն որոշում ընդունեց օպերային թատրոնի աշխատողների ընդհանուր ժողովի և Վարչության խորհրդում նրանց պատվիրակների վերընտրման մասին։

«Օպերայի թատրոնում բոլոր աշխատողների ժողով հրավիրելու որոշումն ամենախելամիտն է տվյալ իրավիճակում։ Մենք պետք է վերջնականապես լուծենք խնդիրը, վերընտրենց Խորհրդի անդամներին, ովքեր պետք է բարձրացնեն խորհրդի կառուցվածքի և Ղարիբյանի ընտրության լեգիտիմության հարցը»,– լրագրողներին ասաց Օպերային թատրոնի երիտասարդական ծրագրերի ղեկավար Լևոն Ջավադյանը։

Загружается новость ... "Лево"

Թատրոնի պաշտոնում Օրբելյանի լիազորությունները դադարեցվեցին 2019թ.–ի մարտի 29–ին մշակույթի նախարարի պաշտոնակատար Նազենի Ղարիբյանի որոշմամբ, ինչը հանգեցրեց թատրոնի աշխատակիցների և շարքային քաղաքացիների դժգոհության։ Միաժամանակ, Օրբելյանը պահպանեց թատրոնի գեղարվեստական ղեկավարի պաշտոնը։

Ապրիլի 1–ին թատրոնի աշխատակիցների հետ հանդիպման ժամանակ Փաշինյանը խոստացավ ուսումնասիրել իրավիճակը մեկ ամսվա ընթացքում։ Ձեռք բերվեց պայմանավորվածություն, որ տնօրենի պաշտոնը ժամանավորապես կզբաղեցնի փոխտնօրեն Կարինե Կիրակոսյանը։

Ավելի վաղ հաղորդվում էր, որ իշխանափոխությունից հետո Օրբելյանի և Մշակույթի նախարարության նոր ղեկավարության միջև ծագել են լուրջ տարաձայնություններ թատրոնում լուրջ կառուցվածքային բարեփոխումների անհրաժեշտության պատճառով։

Հայտնի դիրիժոր, Ռուսաստանի վաստակավոր արտիստ Կոնստանտին Օրբելյանն Ալ. Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար է նշանակվել 2016թ.–ի հունիսի 3–ին թատրոնի վարչության խորհրդի առաջարկով և տնօրեն Ա. Արզումանյանի հրամանով։ 2017թ.–ի օգոստոսի 3–ին մշակույթի նախարարի հրամանով Օրբելյանը նշանակվել է նաև թատրոնի տնօրեն։–0–

Թեմատիկ նյութեր
Բաժնի այլ նյութեր
12:37
19 Հոկտեմբերի 2019
ՀՀ–ում դատարանը Lydian Armenia–ին թույլատրել է աշխատանքներ իրականացրել Ամուլսարի հանքավայրում
Հայաստանում դատարանը Lydian Armenia–ին թույլատրել է աշխատանքներ իրականացրել Ամուլսարի հանքավայրում։
11:00
19 Հոկտեմբերի 2019
Նախորդ շաբաթվա կարևոր նորությունների հնգյակը (հոկտեմբերի 14–18)
Ներկայացնում ենք նախորդ շաբաթվա կարևոր նորությունների հնգյակը (հոկտեմբերի 14–18)։
10:11
19 Հոկտեմբերի 2019
«Երևանը սրտումս է». տեսաշնորհավորանք Քաղաքի օրվա առթիվ (ՎԻԴԵՈ)
Տոնդ շնորհավոր, իմ Երևան։
23:10
18 Հոկտեմբերի 2019
ԱԱԾ–ն պարզաբանում է`ինչու է Հրայր Թովմասյանի ընտանիքից բացատրություն վերցվել
ԱԱԾ–ն պարզաբանում է`ինչու է Հրայր Թովմասյանի ընտանիքից բացատրություն վերցվել:
20:10
18 Հոկտեմբերի 2019
Երկու եղբայրներին մեղադրանք է առաջադրվել ոստիկանների նկատմամբ հարձակում գործելու դեպքի առթիվ քննվող քրգործով
Երկու եղբայրներին մեղադրանք է առաջադրվել ոստիկանների նկատմամբ հարձակում գործելու դեպքի առթիվ քննվող քրգործով:
19:11
18 Հոկտեմբերի 2019
Ադրբեջանցի հակերները կոտրել են ՀՀ վարչապետի կայքը (ՖՈՏՈ)
Ադրբեջանցի հակերները կոտրել են ՀՀ վարչապետի Նիկոլ Փաշինյանի կայքը։
18:46
18 Հոկտեմբերի 2019
Երևանի մանկապարտեզներից մեկում երեխաներին կապում են աթոռներից, քաղաքապետարանը պարզաբանում է (ՖՈՏՈ)
Երևանի մանկապարտեզներից մեկում երեխաներին կապում են աթոռներից, քաղաքապետարանը պարզաբանում է:
18:09
18 Հոկտեմբերի 2019
Կադաստրի կոմիտեի ղեկավարն ազատման դիմում է ներկայացրել
Կադաստրի կոմիտեի ղեկավար Սարհատ Պետրոսյանն ազատման դիմում է ներկայացրել։
17:21
18 Հոկտեմբերի 2019
5 մլն դոլարի ներդրում. «Շիրակ» օդանավակայանը վերազինվում է (ՖՈՏՈ)
5 մլն դոլարի ներդրում. «Շիրակ» օդանավակայանը վերազինվում է:
16:21
18 Հոկտեմբերի 2019
ՎՏԲ-Հայաստան Բանկը և Մուլտիկարտա ընկերությունը ստորագրեցին համագործակցության համաձայնագիր
ՎՏԲ-Հայաստան Բանկն որոշում է կայացրել փոխարինել սեփական Պրոցեսինգային կենտրոնը ռուսական առաջատար Մուլտիկարտա ընկերության Պրոցեսինգային կենտրոնով։
16:06
18 Հոկտեմբերի 2019
Խախտվել են բոլոր նորմերը. Արտաշատի դպրոցներից մեկի ճաշարանի գործունեությունը կասեցվել է (ՖՈՏՈ)
Խախտվել են բոլոր նորմերը. Արտաշատի դպրոցներից մեկի ճաշարանի գործունեությունը կասեցվել է:
14:18
18 Հոկտեմբերի 2019
Շառլ Ազնավուրի որդին` Նիկոլա Ազնավուրը, տիկնոջ հետ տեղափոխվել է Հայաստան
Շառլ Ազնավուրի որդին` Նիկոլան, ընտանիքով տեղափոխվել է ապրելու Հայաստանում։