ՀՀ տարածքում կան փակ և դժվարանցանելի ավտոճանապարհներ
ԵՐԵՎԱՆ, 18 դեկտեմբերի․ /Նովոստի-Արմենիա/․ Արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։
Արագածոտնի մարզի Ամբերդ ամրոց և Քարի լիճ տանող ավտոճանապարհները փակ են։
Վարդենյաց լեռնանցքը կցորդիչով ավտոմեքենաների համար փակ է, մյուս տրանսպորտային միջոցների համար՝ դժվարանցանելի։
Սյունիքի մարզի «Մեղրու սար» կոչվող հատվածը դժվարանցանելի է, Գորիս-Կապան ավտոճանապարհին մերկասառույց է։
Սյունիքի մարզում տեղում է ձյուն։
Լարսի մասին
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տիպի տրանսպորտային միջոցների համար։
ՀՀ ԱԳՆ-ից ստացված տեղեկատվության համաձայն՝ օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ։ Արգելքը չի վերաբերում բեռնափոխադրումներին:
«Վարորդներին խորհուրդ է տրվում երթևեկել բացառապես ձմեռային անվադողերով»,- ասվում է հաղորդագրության մեջ։-0-
