Հայաստանի տարածքում ավտոճանապարհները բաց են

ԵՐԵՎԱՆ, 28 նոյեմբերի. /Նովոստի–Արմենիա/. Երեքշաբթի ժամը 10:00-ի դրությամբ ՀՀ տարածքում փակ և դժվարանցանելի ավտոճանապարհներ չկան։

Ինչպես հայտնում է ՀՀ արտակարգ իրավիճակների նախարարությունը, նոյեմբերի 28-30-ը, դեկտեմբերի 1-ին, 2-ին սպասվում է առանց տեղումների եղանակ:


«Ելնելով սպասվող անբարենպաստ եղանակային պայմաններից` բոլոր վարորդներին հորդորում ենք մարզեր երթևեկել բացառապես ձմեռային անվադողերով»,– ասվում է հաղորդման մեջ։

Ստեփանծմինդա-Լարս ավտոճանապարհը բաց է բոլոր տեսակի մարդատար ավտոմեքենաների համար, իսկ բեռնատարների համար՝ փակ, հայտնում է գերատեսչությունը` հղում անելով Վրաստանի ՆԳՆ ԱԻ դեպարտամենտի տեղեկատվությանը։ -0-