Երևանում կփակվի Մյասնիկյան պողոտայից դեպի Նորք-Մարաշ տանող ճանապարհը
15.05.2026,
18:09
Սահմանափակումը մտցվում է ինժեներական նոր ենթակառուցվածքների տեղադրման և ճանապարհի հիմնանորոգման շրջանակում շինարարական աշխատանքների իրականացման համար
ԵՐԵՎԱՆ, 15 մայիսի․/Նովոստի-Արմենիա/. 2026 թվականի մայիսի 16-ից դադարեցվում է Մյասնիկյան պողոտայից դեպի Նորք-Մարաշ վարչական շրջանի Էմիլ Դիլանյան փողոց և Նորքի 1-ին նրբանցք տանող ճանապարհի երկկողմանի երթևեկությունը:
Այս մասին հայտնում է Երևանի քաղաքապետարանի մամուլի ծառայությունը։
«Սահմանափակումը մտցվում է ինժեներական նոր ենթակառուցվածքների տեղադրման և ճանապարհի հիմնանորոգման շինարարական աշխատանքների իրականացման նպատակով»,-նշվում է հաղորդագրության մեջ։
Պատճենել հղումը
