ԱԺ–ում ընտրում են 12 հանձնաժողովների նախագահներին
ԵՐԵՎԱՆ, 20 օգոստոսի․/Նովոստի–Արմենիա/․ Այսօր տեղի կունենա ԱԺ մշտական հանձնաժողովների նախագահների ընտրության քվեարկությունը։
ՀՀ 9-րդ գումարման Ազգային ժողովում ստեղծվել է 12 մշտական հանձնաժողով:
ՀՀ Սահմանադրության 106-րդ հոդվածի 2-րդ մասի համաձայն՝ մշտական հանձնաժողովներում տեղերը բաշխվում են խմբակցություններում ընդգրկված պատգամավորների թվի համամասնությամբ:
Հաշվի առնելով, որ 9-րդ գումարման Ազգային ժողովի «Քաղաքացիական պայմանագիր» խմբակցությունն ունի 64, «Ուժեղ Հայաստան» խմբակցությունը՝ 29, իսկ «Հայաստան» խմբակցությունը՝ 12 անդամ՝ նախագծով առաջարկվում է մշտական հանձնաժողովների անդամների նվազագույն թիվը սահմանել 8: Մյուս հանձնաժողովների անդամների ընդհանուր թիվը սահմանվել է՝ հաշվի առնելով գործնականում այդ հանձնաժողովների աշխատանքային ծանրաբեռնվածությունը:
Մշտական հանձնաժողովների նախագահությունները բաշխվել են հետևյալ կերպ.
«Քաղաքացիական պայմանագիր» խմբակցություն
Պաշտպանության և անվտանգության հարցերի հանձնաժողով – նախագահի թեկնածու՝ Վիլեն Գաբրիելյան
Պետական-իրավական հարցերի հանձնաժողով – նախագահի թեկնածու՝ Արուսյակ Ջուլհակյան
Արտաքին հարաբերությունների հանձնաժողով – նախագահի թեկնածու՝ Սարգիս Խանդանյան
Տնտեսական հարցերի հանձնաժողով – նախագահի թեկնածու՝ Բաբկեն Թունյան
Կրթության, գիտության, մշակույթի, սպորտի և սփյուռքի հարցերի հանձնաժողով – նախագահի թեկնածու՝ Սիսակ Գաբրիելյան
Առողջապահության հարցերի հանձնաժողով – նախագահի թեկնածու՝ Լուսինե Բադալյան
Աշխատանքի և բարեկեցության հարցերի հանձնաժողով – նախագահի թեկնածու՝ Նազելի Բաղդասարյան
Տարածաշրջանային և եվրասիական ինտեգրման հարցերի մշտական հանձնաժողով – նախագահի թեկնածու՝ Տրդատ Սարգսյան
«Ուժեղ Հայաստան» խմբակցություն
Ֆինանսավարկային և բյուջետային հարցերի հանձնաժողով – նախագահի թեկնածու՝ Հայկ Ֆարմանյան
Տարածքային կառավարման և շրջակա միջավայրի հարցերի հանձնաժողով – նախագահի թեկնածու՝ Անդրանիկ Գևորգյան
Եվրոպական ինտեգրման հարցերի հանձնաժողով – նախագահի թեկնածու՝ Արեգա Հովսեփյան
«Հայաստան» դաշինք
Մարդու իրավունքների պաշտպանության և հանրային հարցերի հանձնաժողով – նախագահի թեկնածու՝ Լիլիթ Գալստյան
Կարդացեք նաև․ Արաբական ձիեր, սեղանին հարվածներ և փոխադարձ վիրավորանքներ. ինչպես են անցնում ԱԺ հանձնաժողովների նախագահների ընտրությունները
