564.15
6.6
480.82
+20
Եղանակը Երևանում
Հայ

Հայաստանը նշում է Վարդավառը` Մեր Տեր Հիսուս Քրիստոսի Պայծառակերպության տոնը

13:54
11 Հուլիսի 2021

ԵՐԵՎԱՆ, 11 հուլիսի․/Նովոստի-Արմենիա/․Հայաստանն այսօր` հուլիսի 11–ին, նշում է Վարդավառը` Մեր Տեր Հիսուս Քրիստոսի Պայծառակերպության տոնը։

Հիսուս Քրիստոսի Պայծառակերպության տոնը Հայ Եկեղեցու հինգ տաղավար տոներից երրորդն է: Մեր Տեր Հիսուս Քրիստոս, համաձայն Ավետարանի, Ս. Պետրոս, Ս. Հակոբոս և Ս. Հովհաննես առաքյալների հետ բարձրանում է Թաբոր լեռն`աղոթելու: Աղոթքի պահին Հիսուս նրանց առաջ պայծառակերպվում է. «Դեմքը փայլեց, ինչպես արեգակը. և Նրա զգեստները դարձան սպիտակ` ինչպես լույսը» (Մատթեոս 17:2, Մարկոս 9:2, Ղուկաս 9:29): Աշակերտների ապշած աչքերի առջև Քրիստոս խոսում է շուրջ հազար տարի առաջ վախճանված Մովսեսի և հրեղեն կառքով երկինք համբարձված Ս. Եղիա մարգարեի հետ: Ս. Ղուկաս ավետարանիչը պատմում է, որ նրանք խոսում էին Քրիստոսի երկրային կյանքի վերջին օրերի դեպքերի մասին, որ պիտի տեղի ունենային Երուսաղեմում (Ղուկաս 9:31): Սքանչելի տեսարանից զմայլված՝ Ս. Պետրոս առաքյալը բացականչում է. «Վարդապետ, լավ է, որ մենք այստեղ մնանք. երեք տաղավարներ շինենք, մեկը`Քեզ, մեկը` Մովսեսի և մյուսը` Եղիայի համար»: Մինչ Նա խոսում էր, լուսափայլ մի ամպ հովանի է դառնում նրանց, և ամպից եկող ձայնն ազդարարում է. «Դա է իմ սիրելի Որդին, որին հավանեցի, Դրան լսեցեք»: Հանգստացնելով ու ոտքի կանգնեցնելով գետնամած առաքյալներին` Հիսուս նրանց պատվիրում է ոչ ոքի չհայտնել տեսածի ու լսածի մասին`մինչև Աստծո Որդու փառավորվելը:

Ս. Հովհան Ոսկեբերանը երեք բացատրություն է տալիս, թե ինչու Տիրոջը հայտնվեցին Ս. Մովսես և Ս. Եղիա մարգարեները. երկուսն էլ ունեցել են Աստծո տեսիլքը՝ Մովսեսը` Սինա (Ելք 24.12-18), իսկ Եղիան` Քորեբ լեռան վրա (Գ Թագավորներ 19:8-18): Նրանք խորհրդաբար ներկայացնում էին կյանքը և մահը: Մովսեսը մահացավ` այդպես էլ չտեսնելով խոստացված երկիրը, իսկ Եղիան կենդանի կերպով երկինք վերացավ հրեղեն կառքով:

Հիսուսի պայծառակերպության ժամանակ Մովսեսի` նախանձահույզ օրենսդրի ու Եղիայի` երկինք տեղափոխված նախանձախնդիր օրինապահի հայտնվելը խորհրդանշում է, որ Քրիստոս է Օրենսդիրը և չի դրժում Աստծո Ուխտը: Նա է Տերը երկրի և երկնքի, ողջերի ու մեռյալների, քանզի Մովսեսին մեռյալների միջից վեր հանեց, իսկ Եղիային`ողջերի:

Այս տոնը հայտնի է նաև Վարդավառ անունով: Տոնի ժամանակ ժողովրդական սովորույթներից է միմյանց վրա ջուր ցողելն ու աղավնիներ բաց թողնելը, որոնք խորհրդանշում են ջրհեղեղը, Նոյի ընտանիքի փրկությունը, Նոյի աղավնուն: Սովորություն է նաև ծաղիկներով զարդարվելը, ինչն Աստվածորդու փառքի երևման առթիվ մեծ ուրախության արտահայտություն է:

«Վարդավառ» ժողովրդական անվանումը, հավանաբար, գալիս է վարդաջուր լցնելու սովորությունից:

Ս. Գրիգոր Տաթևացին տոնի «Վարդավառ» անունը բացատրում է Հիսուսին վարդի հետ համեմատելով. ինչպես վարդը մինչև բացվելը թաքնված է իր պատյանի մեջ և բացվելով` երևում է բոլորին, այնպես էլ Հիսուս մինչև այլակերպությունն Իր մեջ կրում էր աստվածային էությունը և պայծառակերպվելով` հայտնեց Իր Աստվածությունը:

Վարդավառի տոնին նախորդում է շաբաթապահք: Իսկ հաջորդ օրն, ինչպես տաղավար բոլոր տոներից հետո, Մեռելոց է. բոլոր եկեղեցիներում ննջեցյալների հոգիների համար մատուցվում է Ս. Պատարագ և կատարվում հոգեհանգիստ:


Պայծառակերպության տոնով հաստատվեց այն ճշմարտությունը, որ Հիսուս Աստծո Որդին է: Աստծո պատգամն է առաքյալներին և ողջ աշխարհին. «Նրան լսեցեք»:–0–
Partners News
Partners News
ԱՌԿԱ գործակալություն
Բաժնի այլ նյութեր
12:33
27 Սեպտեմբերի 2021
ԱՄՆ դեսպանը Եռաբլուրում հարգանքի տուրք է մատուցել 44–օրյա զոհերի հիշատակին (ՖՈՏՈ)
ԱՄՆ դեսպանն այցելել է Եռաբլուր.ՖՈՏՈ
11:15
27 Սեպտեմբերի 2021
Կորոնավիրուսից մահացել է 13 մարդ, գրանցվել է 462 նոր դեպք, առողջացել է 565 մարդ
Կորոնավիրուսից մահացել է 13 մարդ, գրանցվել է 462 նոր դեպք, առողջացել է 565 մարդ
11:10
27 Սեպտեմբերի 2021
44–օրյա պատերազմի հետևանքով ունեցել ենք 3781 զոհ, 253–ն անհետ կորած է.ՔԿ
44–օրյա պատերազմի հետևանքով ունեցել ենք 3781 զոհ, 253–ն անհետ կորած է
10:53
27 Սեպտեմբերի 2021
Փաշինյանն ու Հարությունյանը հեռախոսազրույց են ունեցել. քննարկվել է 44-օրյա պատերազմի հետևանքների հաղթահարմանն ուղղված աշխատանքների ընթացքը
Փաշինյանն ու Հարությունյանը հեռախոսազրույց են ունեցել. քննարկվել է 44-օրյա պատերազմի հետևանքների հաղթահարմանն ուղղված աշխատանքների ընթացքը
10:47
27 Սեպտեմբերի 2021
Դիլիջանի թունելը կիսով չափ հոսանքազրկվելու է
Դիլիջանի թունելը կիսով չափ հոսանքազրկվելու է
08:00
27 Սեպտեմբերի 2021
Պատմության մութ էջերից մեկը. Այսօր Հայաստանն ու Արցախը ոգեկոչում են Ադրբեջանի կողմից սանձազերծած 44–օրյա պատերազմի զոհերի հիշատակը
2020թ.–ի սեպտեմբերի 27–ից հետո Հայաստանի և Արցախի պատմությունը բաժանվեց երկու մասի` առաջ և հետո
20:17
26 Սեպտեմբերի 2021
Ջահերով երթ` դեպի Եռաբլուր (ՈւՂԻՂ)
Երևանում կազմակերպվել է ջահերով երթ` ի հիշատակ Արցախյան 44–օրյա պատերազմի զոհերի.ՈւՂԻՂ
20:05
25 Սեպտեմբերի 2021
Պետությանը պատճառվել է մոտ 2մլրդ դրամի վնաս. ԶՈՒ բարձրաստիճան պաշտոնյայի լիազորությունները չարաշահելու դեպքեր են բացահայտվել
Պետությանը պատճառվել է մոտ 2մլրդ դրամի վնաս. ԶՈՒ բարձրաստիճան պաշտոնյայի լիազորությունները չարաշահելու դեպքեր են բացահայտվել
14:37
25 Սեպտեմբերի 2021
Հարձակվել են Փաշինյանի վրա՝ ծեծել.գործը ՀՔԾ-ում է,կրակել են պատգամավորի որդուն, Ծառուկյանը չի ներում.ՕՐՎԱ ԼՈւՐԵՐ (ՎԻԴԵՈ)
Հարձակվել են Փաշինյանի վրա՝ ծեծել.գործը ՀՔԾ-ում է,կրակել են պատգամավորի որդուն, Ծառուկյանը չի ներում.ՕՐՎԱ ԼՈւՐԵՐ.ՎԻԴԵՈ
11:58
25 Սեպտեմբերի 2021
Կորոնավիրուսի հետ կապված իրավիճակը սրվում է. հաստատվել է 1066 նոր դեպք, 586 մարդ առողջացել է, 23 մարդ մահացել է
Կորոնավիրուսի հետ  կապված իրավիճակը սրվում է. հաստատվել է 1066 նոր դեպք, 586 մարդ առողջացել է, 23 մարդ մահացել է
10:15
25 Սեպտեմբերի 2021
«Պատրաստ ենք ցանկացած պահի կյանքի կոչել հայ–ադրբեջանական սահմանի սահմանագծման և սահմանազատման աշխատանքները». Փաշինյան
Փաշինյանը կրկին վերահաստատել է Ադրբեջանի հետ սահմանագծման և սահմանազատման աշխատանքները կյանքի կոչելու հայկական կողմի պատրաստակամությունը
19:54
24 Սեպտեմբերի 2021
Հայաստանում մեկնարկում է Սիսիան–Քաջարան ճանապարհահատվածի կառուցումը Ադրբեջանի կողմից Երևան–Մեղրի մայրուղու արգելափակման ֆոնին
Հայաստանում մեկնարկում է Սիսիան–Քաջարան ճանապարհահատվածի կառուցումը Ադրբեջանի կողմից Երևան–Մեղրի մայրուղու արգելափակման ֆոնին