Կորոնավիրուսով վարակակիրների վիճակագրության մեջ անճշտություններ են եղել. Փաշինյան (ՎԻԴԵՈ)

ԵՐԵՎԱՆ, 9 ապրիլի./Նովոստի–Արմենիա/. ՀՀ վարչապետ Նիկոլ Փաշինյանն այսօր կառավարության նիստի ժամանակ տեղեկացրել է, որ Հայաստանում կորոնավիրուսով վարակակիրների վիճակագրության մեջ անճշտություններ են եղել։


«Վերջին մեկ շաբաթվա ընթացքում ամբողջ տեղեկատվությունն ինտեգրել ենք, թվային համակարգ ենք ստեղծել և ճշգրտումների արդյունքում՝ 12 անճշտություն ենք հայտնաբերել, և վարակի մեկնարկից ի վեր՝ Հայաստանում արձանագրվել է 921 դեպք», – նշեց Փաշինյանը։

Նրա խոսքով` այսպիսի անճշտություններ հնարավոր են, քանի որ դա կապված է լինում հիվանդի՝ մի հիվանդանոցից այլ հիվանդանոց տեղափոխելու հետ:

Այսօր ավելի վաղ ՀՀ առողջապահության նախարարի մամուլի քարտուղար Ալինա Նիկողոսյանը Facebook-յան իր էջում տեղեկացրել է, որ ապրիլի 8-ի դրությամբ հաստատվել է կորոնոավիրուսային հիվանդության 28 նոր դեպք, իսկ 12–ը վիճակագրությունից դուրս մնացած դեպքերն են, որոնք արձանագրվել են վերջին 40 օրվա ընթացքում։–0–