Չորեքշաբթի` ապրիլի 27–ի գլխավոր նորությունները

ԵՐԵՎԱՆ, 28 ապրիլի./Նովոստի–Արմենիա/. «Նովոստի–Արմենիա» գործակալությունը ներկայացնում է չորեքշաբթի` ապրիլի 27–ի առավել ուշագրավ նորությունների սեփական տարբերակը։

• Հայաստանը դիտարկում է թուրքական ապրանքների ներկրման արգելքի հնարավորությունը, ասաց Էկոնոմիկայի նախարար Արծվիկ Մինասյանը։

• «Գազպրոմ» ընկերությունը պատրաստվում է Հանրային ծառայությունները կարգավորող հանձնաժողովին ներքին սպառողների համար գազի գործող սակագինը նվազեցնելու վերանայման հայտ ներկայացնել:

• «Հայկական ստանդարտ» կինոկենտրոնը ներկայացրել է «Կոմիտաս. հանճարը խելագարների աշխարհում» վավերագրական ֆիլմը, որում ուշագրավ մանրամասներ են բացահայտվում հայ մեծ կոմպոզիտոր, հայ դասական երաշժտական դպրոցի հիմնադիր, երգիչ, խմբավար Կոմիտասի կյանքի մասին։

• Հայաստանի ազգային օլիմպիական կոմիտեն իր կայքում ներկայացրել է այն մարզիկների ցուցակը, ովքեր այս պահին արդեն Ռիո դե Ժանեիրոյի 2016 թվականի ամառային օլիմպիադայի ուղեգրեր են նվաճել։

• ԼՂՀ ՊՆ տեղեկացրել է Կարմիր Խաչի միջազգային կոմիտեին (ԿԽՄԿ) ադրբեջանական զինուժի կողմից Մարտակերտի և այլ խաղաղ բնակավայրերի հրետակոծությունների մասին: Հակառակորդի կողմից ձեռնարկված ագրեսիվ գործողությունների հետևանքով մահացու վիրավորում է ստացել ՊԲ զինծառայողը: Բացի այդ, հայ-ադրբեջանական պետական սահմանագոտու հյուսիսարևելյան հատվածում ապրիլի 26-ի լույս 27-ի գիշերը գրանցվել են հրադադարի խախտման միջադեպեր:

• Երևանը դարձել է մայիսյան տոների համար նախատեսված երրորդ ամենահանրաճանաչ հանգստավայրը երեխաներով զբոսաշրջիկների համար:

• Հայաստանի քննչական կոմիտեն հրապարակել է Հալաբյան փողոցում ավտոբուսի պայթյունի ենթադրյալ մեղավորի անունը։-0-