ՍՏԵՓԱՆԱԿԵՐՏ, 27 ապրիլի. /Նովոստի-Արենիա/. ԼՂՀ ՊՆ տեղեկացրել է Կարմիր Խաչի միջազգային կոմիտեին (ԿԽՄԿ) ադրբեջանական զինուժի կողմից Մարտակերտի և այլ խաղաղ բնակավայրերի հրետակոծությունների մասին, հաղորդում է ԼՂՀ ՊՆ մամուլի ծառայությունը:
«ԼՂՀ պաշտպանության նախարարությունն իրազեկում է, որ ինչպես վերջին օրերին, այնպես էլ այս գիշեր Մարտակերտ քաղաքի և շփման գծին մերձակա այլ խաղաղ բնակավայրերի վրա ադրբեջանական բանակի կողմից իրականացված հրթիռահրետակոծությունների մասին, որպես միջազգային անկողմնակալ, չեզոք և անկախ կազմակերպության, պարբերաբար տեղեկացվել և այսուհետ ևս կտեղեկացվեն Կարմիր խաչի միջազգային կոմիտեին», - նշվում է հաղորդագրության մեջ:
Ադրբեջանը գիշերն ինտենսիվ հրետակոծել է Մարտակերտը և Ղարաբաղի այլ բնակավայրեր. ԼՂՀ ՊՆ>>
Ապրիլի 2–ից 5–ն ադրբեջանական ԶՈՒ–ն ղարաբաղաադրբեջանական շփման գծի հարավային, հարավարևելյան և հյուսիսարևելյան ուղղություններով ձեռնարկել է բացահայտ հարձակողական գործողություններ` հրետանիով, զրահապատ տրանսպորտային միջոցներով և ավիացիայով: ԼՂՀ պաշտպանության բանակը հաջողությամբ ճնշել է հակառակորդի գործողությունները` հասցնելով մեծ վնասներ։ -0-