Նախորդ շաբաթվա կարևոր նորությունների հնգյակը (ապրիլի 8–12)

10:30

13 Ապրիլի 2019

ԵՐԵՎԱՆ, 13 ապրիլի./Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը (ապրիլի 8–12)։

«Սպայկա» ընկերության տնօրեն Դավիթ Ղազարյանը կալանովորվեց։ Հայաստանի պետեկամուտների կոմիտեն մեղադրում է «Դավիթ Ղազարյանին հատկապես խոշոր չափերի հարկերից և մաքսատուրքերից խուսափելու համար։ ՊԵԿ–ի տվյալներով, ընկերությունում բացահայտվել է 7 036 666 312 դրամի (ավելի քան $14,4 մլն) չափի հարկերի չվճարման դեպք։ ՊԵԿ–ը միջնորդություն էր ներկայացրել Ղազարյանին կալանավորելու վերաբերյալ։ Ինքը` Ղազարյանը, հերքում է այդ մեղադրանքները։ Միաժամանակ, ՀՀ վարչապետ Նիկոլ Փաշինյանը մեկնաբանել է «Սպայկայի» շուրջ ստեղծված իրավիճակը, մասնավորապես այն մտավախությունները, որ ընկերությունը չի իրականացնի մթերումներ։

Ապրիլի 9–ին ՀՀ վարչապետ Նիկոլ Փաշինյանն այցելել է Արարատի մաքսատուն և դժգոհ է մնացել տիրող իրավիճակից, մասնավորապես, սանիտարական պայմաններից և պետական խորհրդանիշների հանդեպ վերաբերմունքից: Փաշինյանին մասնավորապես դուր չի եկել անկյունում դրված կեղտոտ դրոշը։ Նա հանձնարարել է աշխատանքից հեռացնել այդ սենյակում աշխատողներին։

Ծանրամարտիկ Հակոբ Մկրտչյանը ոսկե մեդալ է նվաճել ծանրամարտի Եվրոպայի առաջնությունում։ Միաժամանակ ըմբիշ Արսեն Հարությունյանը նվաճել է Եվրոպայի չեմպիոնի կոչումը։

Ապրիլի 10–ին «Իմ քայլը» խմբակցության պատգամավոր Նարինե Թուխիկյանը ՀՀ ԱԺ կրթության ,գիտության,երիտասարդության,մշակույթի,սպորտի մշտական հանձնաժողովի նիստի ժամանակ խոսել է «Միր», «ОРТ» և «Россия 1» ռուսական հեռուստաալիքների հեռարձակումը սահմանափակելու մասին «հակահայկական, հայերի նկատմամբ թշնամանք առաջացնող ծրագրերի ցուցադրության ընթացքում»։ Միաժամանակ, «Միր» հեռուստաալիքի տնօրենը մեկնաբանել է պատգամավորի կոչը։

Վերաքննիչ դատարանը մերժել է ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշման դեմ բողոքը:–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#նախորդ շաբաթ #կարևոր նորություններ #հնգյակ

Թեմատիկ նյութեր