«Միր» հեռուստաալիքի տնօրենը մեկնաբանել է ՀՀ–ում ռուսական ալիքների հեռարձակումը սահմանափակելու մասին պատգամավորի կոչը

ԵՐԵՎԱՆ, 11 ապրիլի./Նովոստի–Արմենիա/. «Միր» հեռուստաալիքի տնօրեն Մերուժան Սարգսյանը մեկնաբանել է մի շարք ռուսական հեռուստաալիքների հեռարձակման հնարավոր սահմանափակումը։

Ապրիլի 10–ին «Իմ քայլը» խմբակցության պատգամավոր Նարինե Թուխիկյանը ՀՀ ԱԺ կրթության ,գիտության,երիտասարդության,մշակույթի,սպորտի մշտական հանձնաժողովի նիստի ժամանակ խոսել է «Միր», «ОРТ» և «Россия 1» ռուսական հեռուստաալիքների հեռարձակումը սահմանափակելու մասին «հակահայկական, հայերի նկատմամբ թշնամանք առաջացնող ծրագրերի ցուցադրության ընթացքում»։ 

Սարգսյանը կոչ է արել Թուխիկյանին բացատրել, թե ինչ է նա կոնկրետ ի նկատի ունեցել` խոսելով «Միր» հեռուստաալիքի մասին և ինչն է դարձել նման հրապարակային ելույթի շարժառիթը։

«Հիմա միայն ասեմ, որ որպես Միր Միջպետական հեռուստառադիոընկերությունում Հայաստանի ներկայացուցիչ, ցավում եմ, որ տիկին Թուխիկյանը չգիտի, կամ տեղյակ չէ, որ Միր-ը միջպետական ընկերություն է, և ՀՀ կառավարությունը բաժնետեր է այդ ընկերությունում», – ընդգծել է նա։–0–