Լեո Մեսսին հայտարարել է Արգենտինայի հավաքականից հեռանալու մասին
ԵՐԵՎԱՆ, 31 օգոստոսի․/Նովոստի–Արմենիա/․ Արգենտինայի հավաքականի ավագ Լիոնել Մեսսին հայտարարել է ազգային թիմում ելույթներն ավարտելու մասին:
Ֆուտբոլիստը հայտնել է, որ հրաժեշտի տեքստը գրել էր դեռևս հուլիսի 21-ին՝ 2026 թվականի աշխարհի առաջնության եզրափակչից երկու օր անց, որում Արգենտինան զիջեց Իսպանիային, սակայն այն հրապարակել է միայն հիմա:
«Այս որոշումը եղել է և մնում է ցավոտ հոգուս համար, բայց հասկանում եմ, որ ժամանակը հասել է: Երդվում եմ ձեզ, որ միշտ ներդրել եմ ուժերիս առավելագույնը, ոչ միայն վերջին տարիներին, երբ մենք հաղթեցինք ամեն ինչ, այլև նախկինում»,- գրել է Մեսսին:
Նա նշել է, որ միշտ տվել է բոլոր ուժերը հավաքականի համար և ցանկացել է արգենտինացի երկրպագուներին պարգևել ուրախություն և իրենց երկրով հպարտանալու զգացում:
«Ես սիրում եմ, սիրել եմ և միշտ սիրելու եմ լինել հավաքականում: Ես տվեցի ամեն ինչ, ինչ կարող էի, այլևս ուժեր չունեմ, բացի այդ՝ մեծանում են հիանալի տղաներ, ովքեր արժանի են այս տեղին»,- հայտարարել է ֆուտբոլիստը:
Մեսսին շնորհակալություն է հայտնել երկրպագուներին երկու տասնամյակների ընթացքում ցուցաբերած աջակցության համար, ինչպես նաև իր ընտանիքին, մարզիչներին, թիմակիցներին և ղեկավարներին:
«Այժմ ես կդառնամ ձեզանից մեկը՝ միշտ երկրպագելով և աջակցելով ձեզ կողքից՝ և՛ լավ, և՛ վատ ժամանակներում, հատկապես վատ»,- գրել է նա:
Մեսսիի խոսքով՝ հոր հետ պատահածից հետո ինքն ավելի է համոզվել ընդունված որոշման ճշտության մեջ: Ֆուտբոլիստի հայրը՝ Խորխե Մեսսին, մահացել է օգոստոսին:
Մեսսին Արգենտինայի գլխավոր հավաքականում հանդես է եկել ավելի քան 20 տարի: Ազգային թիմի հետ նա հաղթել է 2022 թվականի աշխարհի առաջնությունում, 2021 և 2024 թվականների Ամերիկայի գավաթում (Copa América) և այլ մրցանակներում:
