Հայաստանի հավաքականը պարտվեց չեխերին խոշոր հաշվով

01.09.2016, 00:09
Հայաստանի ֆուտբոլի հավաքականն արտագնա խաղում պարտվեց չեխերին ընկերական խաղում:
Հայաստանի հավաքականը պարտվեց չեխերին խոշոր հաշվով
ԵՐԵՎԱՆ, 1 սեպտեմբերի. /Նովոստի-Արմենիա/. Հայաստանի ֆուտբոլի հավաքականն արտագնա խաղում պարտվեց չեխերին ընկերական խաղում:

Մլադա Բոլեսլավ քաղաքի մարզադաշտում անցկացված խաղն ավարտվեց 3:0 հաշվով՝ հօգուտ Չեխիայի հավաքականի:

Գոլերի հեղինակներն են՝ կիսապաշտպան Լադիսլավ Կրեյչին (4-րդ րոպե), հարձակվող Վացլավ Կադլեցը (33) և կիսապաշտպան Յան Կոպիցը (87):

Հանդիպման 38-րդ րոպեին վնասվածք ստացավ <<Մանչեսթեր Յունայթեդի>> կիսապաշտպան Հենրիխ Մխիթարյանը:

Սեպտեմբերի 4-ին հայ ֆուտբոլիստները դանիացիների հետ Կոպենհագենի <<Պարկեն>> մարզադաշտում կանցկացնեն 2018 թվականի աշխարհի առաջնության ընտրական փուլի առաջին խաղը: --0--