«Բորուսիան» հայտնել է Հենրիխ Մխիթարյանի տրանսֆերային արժեքը

ԵՐԵՎԱՆ, 19 մայիսի. /Նովոստի-Արմենիա/. Հայաստանի հավաքականի և Դորտմունդի «Բորուսիայի» 27-ամյա կիսապաշտպան Հենրիխ Մխիթարյանի տրանսֆերային արժեքը գնահատվում է 60 միլիոն եվրո, գրում է Goal.com-ը՝ հղում անելով Bild թերթին:

Ավելի վաղ ֆուտբոլիստը հրաժարվել է երկարաձգել Դորտմունդի «Բորուսիայի» հետ համաձայնագիրը, քանի որ Մխիթարյանին դեմ էր, որ «Բորուսիան» երկարաձգեր համաձայնագիրը`չնշելով կլաուզուլան:

ԶԼՄ-ների տվյալներով, Լոնդոնի «Չելսին» և «Արսենալը» թեժ պայքար են մղում Հենրիխ Մխիթարյանի համար:

Կլաուզուլան համաձայնագրում ամրագրված տրանսֆերի նվազագույն արժեքն է, որը ստանալիս սեփականատեր–ակումբը չի կարող խոչընդոտել խաղացողի` այլ ակումբ անցնելուն։ -0-