ՖԻՖԱ–ի վարկանիշում 20 տարվա ընթացքում Հայաստանը հայտնվել է ամենացածր հորիզոնականում

ԵՐԵՎԱՆ, 5 նոյեմբերի. /Նովոստի–Արմենիա/. Հայաստանի ցուցանիշը նվազել է 36 կետով հինգշաբթի հրապարակված ՖԻՖԱ–ի ընթացիկ վարկանիշում` 209 երկրների շրջանում զբաղեցնելով 127–րդ տեղը։

Սա վերջին 20 տարվա ընթացքում ՖԻՖԱ–ի վարկանիշում գրանցված Հայաստանի ամենավատ միջին ցուցանիշն է (հայկական հավաքականն ավելի ցածր հորիզոնականում գտնվել է 1994 թ.–ին` զբաղեցնելով 141–րդ տեղը)։ Լավագույն արդյունքը գրանցվել է 2013 թ.–ին` 35–րդ հորիզոնական։

2018 թ.–ին Ռուսաստանում անցկացվող Ֆուտբոլի աշխարհի առաջնության ընտրական փուլում Հայաստանի հավաքականը հայտնվել է Е խմբում, որտեղ ուժերը կչափի Ռոմինիայի (14–րդ հորիզոնական ՖԻՖԱ–ի ընթացիկ վարկանիշում), Դանիայի (35), Լեհաստանի (38), Մոնտենեգրոյի (78) և Ղազախստանի (131) հավաքականների հետ։

ՖԻՖԱ–ի վարկանիշի առաջին տասնյակը 2015 թ.–ի նոյեմբերի 5–ի դրությամբ.
1.    Բելգիա
2.    Գերմանիա
3.    Արգենտինա
4.    Պորտուգալիա
5.    Չիլի
6.    Իսպանիա
7.    Կոլումբիա
8.    Բրազիլիա
9.    Անգլիա
10.    Ավստրիա

Հայաստանի հավաքականն ավարտեց իր համար ձախողված` Եվրոպայի 2016 թ.–ի առաջնության ընտրական փուլը` սեփական հարկի տակ կրելով խոշոր պարտություն ալբանացիներից։ Այսպիսով, Հայաստանը խմբում զբաղեցրեց վերջին տեղը` ութ խաղերի արդյունքում վաստակելով ընդամենը երկու միավոր։

Ընտրական խմբում հաղթեց 21 միավոր վաստակած Պորտուգալիայի հավաքականը, ալբանացիները 14 միավորով զբաղեցրեցին երկրորդ տեղը, դանիացիները վաստակեցին 12 միավոր, իսկ սերբերը` 4 միավոր։–0–