ԵՐԵՎԱՆ, 3 հուլիսի./Նովոստի–Արմենիա/. Աշխարհի և Եվրոպայի ըմբշամարտի առաջնությունների բազմակի չեմպիոն, Օլիմպիական խաղերի ոսկե մեդալակիր Արթուր Ալեքսանյանը գրառում է կատարել Instagram–ի իր էջում` անդրադառնալով նվաճած տիտղոսներին։
Загружается новость ... "Лево"
«Սպորտի պատմության մեջ չկա մի այնպիսի տիտղոս, որը նվաճած չլինեմ։
Երախտապարտ եմ մարզիչներիս...Իմ կերտած պատմությունը նրանց շնորհիվ է...», – նշել է Ալեքսանյանը։
Հիշեցնենք, որ հունիսի 30–ին Մինսկում ավարտված Եվրոպական խաղերում Ալեքսանյանը նվաճել է ոսկե մեդալ։ Հունահռոմեական ըմբշամարտի 97 կգ քաշային կարգի եզրափակչում Ալեքսանյանը գոտեմարտեց Բելառուսի ներկայացուցիչ Ալեքսանդր Գրաբովիկի հետ և 5։0 հաշվով հաղթանակ տարավ՝ նվաճելով չեմպիոնի կոչումը։–0–