DW. Մխիթարյանը՝ Գերմանիայի 2015/16թթ. առաջնության լավագույն ֆուտբոլիստ

ԵՐԵՎԱՆ, 16 մայիսի. /Նովոստի–Արմենիա/. Գերմանական DW միջազգային կայքի շուրջ 30 երկրների օգտատերերի քվեարկության արդյունքում Հայաստանի հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը ճանաչվել է Բունդեսլիգայի 2015/16 թթ.–ի լավագույն ֆուտբոլիստ։   

«Հայրենիքում հերոս դարձած Մխիթարյանը մեծ թվով ձայների է արժանացել Հայաստանից, սակայն նրա օգտին քվեարկել են նաև մոտ 30 երկրների օգտատերեր», – գրում է DW–ին։

Մխիթարյանը ստացել է ձայների 26 տոկոսը` շրջանցելով Լևերկուզենի «Բայերի»  Խավիրե Էրնանդեսին (21 տոկոս), Մյունխենի «Բավարիայի» հարձակվող Ռոբերտ Լեւանդովսկուն և  կիսապաշտպան Թոմաս Մյուլերին։ Երկուսն էլ վաստակել են17–ական %

Այս տարի ավելի վաղDW–ին տված հարցազրույցում Մխիթարյանը նշել է, որ երջանիկ է, որ կարողանում է բարելավել սեփական արդյունքները։

«Իսկապես ոգեշնչված եմ, որ կարողանում եմ շատ գոլեր խփել», – նշել է նա և ավելացրել, որ կարող է շատ օգնել և լավ խաղալ, սակայն նա, իսկապես, ուրախ է թիմային խաղ համար։

«Այս տարի հիանալի ֆուտբոլ ենք խաղում, բոլորին սկսել է դուր գալ մեր խաղաոճը», – ընդգծել է Մխիթարյանը։

Նույն հարցազրույցում Մխիթարյանը բավականին դրական է արտահայտվել թիմի գլխավոր մարզիչ Տոմաս Տուխելի մասին։

«Մենք շատ լավ հարաբերություններ ունենք, և ես շատ երջանիկ եմ, որ հնարավորություն ունեմ աշխատել նրա հետ», – նշել է Մխիթարյանը։

Մխիթարյանն այս մրցանակի կապակցությամ գրառում է կատարել նաև Facebook–յան իր էջում։

«Չեմ կարծում, որ կա ավելի լավ մրցանակ, քան ամբողջ աշխարհի երկրպագուների աջակցությունը։ Անչափ շնորհակալ եմ իմ կողքին լինելու համար», – գրել է ֆուտբոլիստը։–0–