Ջուլֆալակյանը, Հարությունյանը և Ալեքսանյանը դարձան ըմբշամարտի Սասսարի մրցաշարի հաղթողներ

29.05.2016, 21:40
Հունահռոմեական ոճի ըմբշամարտի Հայաստանի հավաքականի երեք անդամներ դարձան Իտալիայի Սասսարի քաղաքում անցկացվող Մաթեո Պելիցոնեի 35-րդ ավանդական հուշամրցաշարի հաղթողներ:
Ջուլֆալակյանը, Հարությունյանը և Ալեքսանյանը դարձան ըմբշամարտի Սասսարի մրցաշարի հաղթողներ

ԵՐԵՎԱՆ, 29 մայիսի. /Նովոստի–Արմենիա/. Հունահռոմեական ոճի ըմբշամարտի Հայաստանի հավաքականի երեք անդամներ դարձան Իտալիայի Սասսարի քաղաքում անցկացվող Մաթեո Պելիցոնեի 35-րդ ավանդական հուշամրցաշարի հաղթողներ:

ՀԱՕԿ լրատվության բաժնի հաղորդմամբ` Աշխարհի և Եվրոպայի չեմպիոն, Օլիմպիական խաղերի արծաթե մեդալակիր Արսեն Ջուլֆալակյանը (80 կգ) գերազանցեց բոլոր մրցակիցներին և դարձավ հաղթող:  

Ջուլֆալակյանը հաղթել էր այս նույն մրցաշարում նաև նախորդ տարի:

Եվրոպական խաղերի արծաթե մեդալակիր Միհրան Հարությունյանն այս մրցաշարում հանդես էր գալիս 71 կգ քաշային կարգում և դարձել է ոսկե մեդալակիր:

98 կգ քաշային կարգում մրցաշարի չեմպիոն դարձավ աշխարհի և Եվրոպայի չեմպիոն, Օլիմպիական խաղերի բրոնզե մեդալակիր Արթուր Ալեքսանյանը:

Մաքսիմ Մանուկյանը (85 կգ) դարձավ մրցաշարի արծաթե մեդալակիր:–0–