ԵՐԵՎԱՆ, 26 հոկտեմբերի. /Նովոստի-Արմենիա/. Անգլիական «Մանչեսթեր Յունայթեդի» և Հայաստանի ազգային հավաքականի կիսապաշտպան Հենրիխ Մխիթարյանը հունվարին կարող է հեռանալ «Մանչեսթեր Յունայթեդից» այս մրցաշրջանում ընդամենը մեկ խաղ անցկացնելուց հետո, հաղորդում է
The Sun-ը:
Հայ կիսապաշտպանը տեղափոխվել է «կարմիր սատանաների» կազմ Դորտմունդի «Բորուսիայից» հուլիսին 30 մլն ֆունտ ստերլինգ տրանսֆերային արժեքով:
Չկարողանալով տպավորություն գործել թիմի գլխավոր մարզիչ Ժոզե Մոուրինյոյի վրա, Մխիթարյանը հունվարին կարող է հեռանալ ակումբից:
Մխիթարյանը վնասվածք էր ստացել ազգային հավաքականի կազմում խաղալիս և սեպտեմբերի 10–ից հետո հանդես չի եկել «Մանչեսթերի» կազմում։
«Մանչեսթեր Յունայթեդի» նախկին կիսապաշտպան Օուեն Հարգրիվսն իր հերթին
զարմացած է, որ Մխիթարյանի պես որակային հատկանիշներ ունեցող խաղացողը անտեսվում է: –0–