Հայաստանը ներկայացնող տիտղոսակիր ազատ ոճի ըմբիշները կպայքարեն մեդալների համար Օլիմպիադայի վերջին օրը

ԵՐԵՎԱՆ, 21 օգոստոսի. /Նովոստի–Արմենիա/. Հայաստանը ներկայացնող տիտղոսակիր ազատ ոճի ըմբիշներ Գեորգի Կետոևն ու Դավիթ Սաֆարյանը կպայքարեն մեդալների համար Օլիմպիադայի վերջին օրը։

Գեորգի Կետոևը (97 կգ) աշխարհի 2006 թ.–ի գավաթակիր է , աշխարհի 2007 թ.–ի չեմպիոն, Եվրոպայի առաջնության կրկնակի մրցանակակիր (2007-2008 թթ.)։ Նա առաջին գոտեմարտում ուժերը կչափի վրացի մարզիկ Էլիզբար Օդիկաձեի հետ, իսկ աշխարհի 2013 թ.–ի չեմպիոն, Կազանի ունիվերսիադի արծաթե մեդալակիր Դավիթ Սաֆարյանը (65 կգ) կպայքարի իտալացի Ֆրանկո Մարկես Չամիզոյի հետ։



Գոտեմարտերը կմեկնարկեն Երևանի ժամանակով ժամը 16։00–ին։

Ավելի վաղ Հայաստանը ներկայացնող ազատ ոճի ըմբիշներ Լևան Բերիանիձեին (125 կգ) և Գառնիկ Մնացականյանին (57 կգ) չհաջողվեց նվաճել օլիմպիական մեդալներ։–0–