Հայաստանի հավաքականը հսկայական ցատկ է կատարել FIFA-ի վարկանիշային աղյուսակում

ԵՐԵՎԱՆ, 6 ապրիլի. /Նովոստի-Արմենիա/. Հայաստանի ֆուտբոլի հավաքականը հինգշաբթի հրապարակված FIFA-ի վարկանիշային աղյուսակում բարձրացել է միանգամից 18 հորիզոնականով` զբաղեցնելով 67-րդ տեղը:

Հայ ֆուտբոլիստները աշխարհի 2018 թվականի առաջնության ընտրական փուլի շրջանակում մարտի 26-ին կայացած հանդիպման ժամանակ 2:0 հաշվով վստահ հաղթանակ տարան Ղազախստանի հավաքականի նկատմամբ: Այս հաղթանակից հետո հայկական թիմը նորից վերադարձավ խմբից դուրս գալու պայքարին:

2018 թ.–ի աշխարհի առաջնության ընտրական փուլի շրջանակում Հայաստանի հավաքականի մրցակիցները զբաղեցրել են հետևյալ հորիզոնականները` Լեհաստան (11–րդ տեղ), Ռումինիա (47), Դանիա (51), Չեռնոգորիա (62) և Ղազախստան (105)։

FIFA–ի դասակարգման աղյուսակի առաջին տասնյակը ապրիլի 6–ի դրությամբ.

1. Բրազիլիա - 1661
2. Արգենտինա - 1603
3. Գերմանիա - 1464
4. Չիլի – 1403
5. Կոլումբիա - 1348
6. Ֆրանսիա – 1294
7. Բելգիա - 1281
8. Պորտուգալիա - 1259
9. Շվեյցարիա - 1212
10. Իսպանիա - 1204

Հինգ փուլերից հետո Հայաստանը 6 միավորով կիսում է 4-5-րդ հորիզոնականը Ռումինիայի հավաքականի հետ: Խմբի առաջատարն է Լեհաստանի հավաքականը` 13 միավորով: Չեռնոգորիայի և Դանիայի հավաքականներն ունեն 7 միավոր: Ակնհայտ աութսայդերը Ղազախստանի հավաքականն է, որը վաստակել է ընդամենը 2 միավոր: -0-