Հայաստանում երիտասարդ զույգերը սկսել են ավելի հաճախ դիմել մաշկաբանների.փորձագետ
ԵՐԵՎԱՆ, 13 հունիսի, /Նովոստի-Արմենիա/. Հայաստանում ամուսնության պատրաստվող երիտասարդ զույգերը սկսել են ավելի հաճախ դիմել մաշկաբանների՝ խորհրդատվության համար, շաբաթ օրը լրագրողներին ասաց մաշկաբանության և սեռավարակների հանրապետական գիտաբժշկական կենտրոնի հակաբորային բաժնի վարիչ, բժիշկ-մաշկաբան Սամվել Հովհաննիսյանը:
Նրա խոսքով՝ երկրում նկատվող նման միտումը ողջունելի է, քանի որ աշխարհում սեռական ճանապարհով փոխանցվող վարակներով հիվանդ մարդկան թիվն ամեն տարի աճում է մոտավորապես 20 միլիոնով, իսկ սեռավարակներն այսօրվա դրությամբ աշխարհում ամենատարածվածնեն:
«Մեր երիտասարդությունն ինտերնետի և ԶԼՄ-ների շնորհիվ ավելի տեղեկացված է դարձել, սկսել ավելի շատ հետաքրքրվել սեռավարակների կանխարգելման հարցերով»,-ասաց նա:
Զերծ մնալով վիճակագրական տվյալները հրապարկելուց՝ Հովհաննիսյանը նշեց, որ Հայաստանում ներկա պահին չի նկատվում մաշկավեներական հիվանդություններով տառապող մարդկանց թվի զգալի աճ:
Նշելով, որ այդ ցուցանիշը շատ թե քիչ կայուն է, փորձագետն ասաց, որ գարնան վերջին և ամռանը նման խնդիրներով կենտրոն դիմողների թիվը նվազում է, իսկ աշնանը զգալիորեն ավելանում, ինչը կապված է, մասնավորապես, աշխատանքային միգրանտների կամ արձակուրդի մեկնած քաղաքացիների վերադարձի հետ:
Հովհաննիսյանիխոսքով՝ ներկա պահին մաշկավեներական հիվանդությունների աշխտորոշումը, կանխարգելումը և բուժումն ավելի մատչելի են դարձել:
«Անցանկալի հետևանքներից խուսափելու համար անհրաժեշտ է ավելի տեղեկացված լինել և օգտվել ժամանակից հակաբեղմնավորիչ միջոցներից, որոնք պաշտպանում են սեռավարակներից, այդ թվում՝ ՄԻԱՎ վարակից»,-պարզաբանեց նա:
ՁԻԱՀ-ի կանխարգելման հանրապետական կենտրոնի տվյալներով՝ Հայաստանում ՄԻԱՎ վարակակիրների թիվը 2014թ.-ի հուլիսի 1-ի դրությամբ կազմում է 1785 մարդ, բայց հաշվարկման տվյալներով՝ երկրում ապրում է 3700 ՄԻԱՎ վարակակիր:
1998թ.-ին Հայաստանում առաջին ՄԻԱՎ վարակակրին պարզելուց հետո երկում արձանագրվել է մահվան 382 դեպք, ինչը կազմում է բոլոր վարակակիրների 21 տոկոսը:-0-

