Եղվարդում հրդեհ է բռնկվել տանը հարակից շինությունում

21.11.2026, 17:44
Դեպքի վայր է մեկնել ՆԳՆ  հրշեջ-փրկարարական ջոկատից երկու մարտական հաշվարկ
Եղվարդում հրդեհ է բռնկվել տանը հարակից շինությունում

ԵՐԵՎԱՆ, 21 նոյեմբերի. /Նովոստի-Արմենիա/. Նոյեմբերի 21-ին՝ ժամը 08։55-ին, ՆԳՆ Կոտայքի մարզային օպերատիվ կառավարման կենտրոն ահազանգ է ստացվել, որ Եղվարդ քաղաքի Անդրանիկի 1-ին փողոցի տներից մեկում հրդեհ է բռնկվել։

Ինչպես հայտնում են ՆԳՆ Փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Պարզվել է, որ հրդեհը բռնկվել է տանը հարակից շինությունում:

Հրդեհը մեկուսացվել է ժամը 09։20-ին, մարվել՝ 09։48-ին։ Հրշեջ-փրկարարները կանխել են հրդեհի տարածումը դեպի հարակից բնակելի տուն։