Նոյեմբերի 22-ին պաշտոնապես կհայտարարվի TRIPP նախագծի մեկնարկի մասին. վարչապետ

21.11.2026, 14:51
Նոյեմբերի 18-ին ԱԺ- կառավարություն հարցուպատասխանի ժամանակ վարչապետը հայտնել էր, որ Հայաստանը թևակոխում է նախագծի իրականացման գործնական փուլ
Նոյեմբերի 22-ին պաշտոնապես կհայտարարվի TRIPP նախագծի մեկնարկի մասին. վարչապետ

ԵՐԵՎԱՆ, 21 նոյեմբերի․ /Նովոստի-Արմենիա/․ ՀՀ վարչապետ Նիկոլ Փաշինյանը հայտարարել է, որ կիրակի՝ նոյեմբերի 22-ին, պաշտոնապես կհայտարարվի TRIPP նախագծի մեկնարկի մասին։

«Վաղը մենք պաշտոնապես կհայտարարենք TRIPP ծրագրի գործարկման մասին», - հայտարարել է Փաշինյանը։

Ավելի վաղ՝ նոյեմբերի 18-ին, ԱԺ-կառավարություն հարցուպատասխանի ժամանակ վարչապետը հայտնել էր, որ Հայաստանը թևակոխում է նախագծի իրականացման գործնական փուլ։

Նրա խոսքով՝ կարևոր փուլերից մեկը կդառնա հայ-ադրբեջանական սահմանի հարավային հատվածի սահմանազատման և սահմանագծման իրականացումն այն երկայնքով, որն անհրաժեշտ է տրանսպորտային հաղորդակցությունների կառուցման համար։

TRIPP նախագծի մասին

TRIPP-ը նախատեսում է տրանսպորտային հաղորդակցությունների ստեղծում Հայաստանի տարածքով, այդ թվում՝ երկաթուղային հաղորդակցություն Ադրբեջանի հիմնական տարածքի և Նախիջևանի Ինքնավար Հանրապետության միջև։

Նախագիծը նաև կոչված է ապահովելու նոր տրանսպորտային հնարավորություններ Հայաստանի համար և նրա ինտեգրումը միջազգային լոգիստիկ երթուղիներին։