ԵՐԵՎԱՆ, 5 հունվարի. /Նովոստի-Արմենիա/. Չինացի գիտնականները եկել են եզրակացության, որ թեյը շատ օգտակար է` հակաօքսիդանտների հաշվին:
Այնուամենայնիվ, հարկ է հաշվի առնել այն փաստը, որ ոչ բոլոր մթերքներն են համադրվում թեյի հետ:
Ինչպես գրում է
pravda.ru-ն, հղում անելով VistaNews-ին, մի շարք մթերքներ թեյի հետ օգտագործելու դեպքում կորցնում են իրենց հատկությունները:
Սննդաբանները կարծում են, որ այդ մթերքներն են` մեղրը, կաթը և կիտրոնը:
Կիտրոն
Թեյի ջերմաստիճանի հետևանքով կիտրոնի բոլոր օգտակար նյութերը քայքայվում են:
Կաթ
Կաթը նվազեցնում է թեյի հակաօքսիդանտների մակարդակը
Շաքար
Մեղրն ու թեյն առհասարակ վատ համադրություն են` խնդիրը մեղրում պարունակվող ածխաջրերն են:
Հետազոտություններից մեկը ցույց է տվել, որ թեյն ուղղակիորեն ազդում է ստեղծարարության վրա, քանի որ կոֆեին է պարունակում: Այն ընդունակ է բարձրացնել կենտրոնացված լինելը, բայց միանգամից չի գործում: Այդ իսկ պատճառով հետազոտողները դրական էֆեկտը կապում են նրա հետ, որ թեյը տրամադրություն է բարձրացնում: -0-