Պոզներ. երբ մարդը հեռանում է Ազնավուրի նման, կարելի է անգամ նախանձել (ՎԻԴԵՈ)
ԵՐԵՎԱՆ, 2 հոկտեմբերի. /Նովոստի–Արմենիա/. Հայտնի ռուս հեռուստալրագրող և վարող Վլադիմիր Պոզները ցավակցություն է հայտնել աշխարահռչակ շանսոնյե Շառլ Ազնավուրի մահվան կապակցությամբ։
Ազնավուրը մահացել է կիրակի լույս երկուշաբթի գիշերը Ֆրանսիայի հարավում գտնվող իր տանը։
«Պետք չէ լացել, նա չէր ցանականա դա, նա դրական կյանք է ապրել։ Կարելի է միայն հիշել նրան մեծ երախտագիտությամբ, ուրախությամբ, ծափահարել նրան, բայց չլացել, նա այդպիսի մադ չէր», – ասել է Վլադիմիր Պոզները ՏԱՍՍի թղթակցին, հայտնում է pozneronline.ru–ն։
Նա նշել է, որ Ազնավուրը ապրել է երկար, գեղեցիկ և հաջողված կյանք, «սիրել է մինչև վերջին շունչը»։
«Անշուշտ, ցավալի է, երբ մարդ է հեռանում։ Սակայն, երբ մարդը հեռանում է այսպես, երբ մարդը ապրել է նման կյանք, կարելի է միայն նախանձել նրան», – ասել է Պոզները։
Նա հիշեցրել է, որ իրեն բախտ է վիճակվել հարցազրույց վերցնել արտիստից, սակայն ամենակարևորը նրա համար մնում են Ազնավուրի ստեղծագործությունը։
«Իմ մեջ տպավորվել է և ես իրեն կհիշեմ երգելու այդ ոճով և ձայնով, կհիշեմ այն կրքոտությունը, որով նա կատարումեր իր երգերը։ Նա 90 անցեր, սակայն շարունակումեր երգել։ Միանգամայն պարզ է, որ դա իր կյանքի իմաստներ», – ասել է լրագրողը։
Պոզները նշել է, որ իր սիրված երգերից մեկն է «Հավերժ սերը» (Вечная любовь)։–0–

