Լոռիում, Տավուշում և Սյունիքում աֆրիկյան ժանտախտի օջախներ կան

ԵՐԵՎԱՆ, 30 հուլիսի. /Նովոստի-Արմենիա/. Սննդամթերքի անվտանգության պետական տեսչության նախկին պետ Գրիգոր Գրիգորյանը երեքշաբթի կայացած մամուլի ասուլիսում հայտարարեց, որ Լոռու և Տավուշի մարզերում կան աֆրիկյան ժանտախտի կայուն օջախներ:

«Օջախի վտանգն այն է, որ այն ժամանակ առ ժամանակ դրսևորվում է, մենք դա զարկում ենք կոչում: Օջախներ կան ոչ միայն Լոռու և Տավուշի, այլ նաև Սյունիքի մարզում», - ասաց նա:

Գրիգորյանը նշեց նաև, որ վերջերս Շիրակի մարզում նկատվել է կենդանիների անկում, քանի որ նրանք չեն անցել պատվաստում, սակայն այդ տեղեկատվությունը չի հրապարակվել:

«Միայն երբ ԶԼՄ-ները աղմուկ բարձրացրին, տեղեկություն հայտնվեց, որ պատվատում չի իրականացվել», - ասաց Գրիգորյանը:

Ավելի վաղ Սննդամթերքի անվտանգության պետական տեսչության մամուլի քարտուղար Անուշ Հարությունյանը հայտնել է «Նովոստի-Արմենիա» գործակալությանը, որ Սյունիքի մարզում խոզերի անկումը, ըստ նախնական ստուգումների արդյունքների, ամենայն հավանականությամբ, տեղի է ունեցել կերային վարակի պատճառով:

Հունիսի 6-ին Սյունիքի մարզի Կոռնիձոր համայնքում արձանագրվել է խոզերի մասայական անկում: Տեղի բնակիչներից մեկը հայտարարել է, որ 400 խոզերից մնացել է միայն 10 գլուխ: Նա ենթադրել է, որ անկման պատճառն է խոզերի աֆրիկյան ժանտախտը, որը տարածված է նաև այլ մոտակա գյուղերում:-0-