ԵՐԵՎԱՆ, 19 մայիսի./Նովոստի-Արմենիա/. Moderna Therapeutics բոստոնյան բիոտեխնիկական ընկերությունը ներկայացրել է նոր կորոնավիրուսի դեմ պատվաստանյութի կլինիկական փորձարկման արդյունքները: Ինչպես հաղորդում է ՏԱՍՍ-ը, համապատասխան հայտարարություն է հրապարակվել երկուշաբթի ընկերության կայքում, որի համահիմնադիրը հանդիսանում է բիզնեսմեն, ամերիկահայ ինժեներ–տեխնոլոգ, «Ավրորա» մրցանակաբաշխության հիմնադիր Նուբար Աֆեյանը:
Загружается новость ... "Лево"
Տարածված տեղեկությունների համաձայն, կլինիկական փորձարկումների մասնակիցները բաժանվել են մի քանի խմբերի և ստացել պատվաստանյութի տարբեր չափաքանակ: Նրանց մոտ, ովքեր ստանում էին պատվաստանյութի ամենաքիչ քանակությունը, արտադրվում էին գրեթե նույն քանակությամբ հակամարմիններ, որքան նկատվում էր մարդկանց մոտ, ովքեր հիվանդացել էին COVID-19-ով (կորոնավիրուս կոչվող հիվանդություն): Ընդ որում այն մարդկանց օրգանիզմում, ովքեր մեծ չափաբաժին էին ստանում, փորձարկման ավարտին ավելի շատ հակամարմիններ կային, քան կորոնավիրուսից հետո ապաքինված պացիենտների մոտ:
Պատվաստանյութի փորձարկումները սկսվել էին մարտի 16-ին Սիեթլի (Վաշինգտոն նահանագ) հետազոտական կենտրոնում: Դրանք անցկացվում էին Moderna ընկերությա և ԱՄՆ առողջապահության Ազգային ինստիտուտների մասնագետների հետ համատեղ: Փորձարկումներն մասնակցել է 45 մարդ:
«Moderna ընկերությունը արագ տեմպերով աշխատում է հուլիսին պատվաստանյութի փորձարկումների 3-րդ փուլի վրա աշխատանքը սկսելու համար և դրա հաջողվելու դեպքում դեղորայքի լիցենզավորման համար հայտ ներկայացնելու համար»,- նշել է ընկերության ղեկավար Ստեֆան Բանսելը:
Մայիսի սկզբին ԱՄՆ նախագահ Դոնալդ Թրամփը հայտարարել է, որ ԱՄՆ-ում մասնագետները, ամենայն հավանականությամբ, կստեղծեն կորոնավիրուսի դեմ պատվաստանյութ մինչև ընթացիկ տարվա ավարտը:
Բացի Moderna-ից ԱՄՆ-ում պատվաստանյութի փորձարկումներ է իրականացնում Inovio Pharmaceuticals և Pfizer ընկերությունները՝ համագործակցելով Biontech գերմանական ընկերության հետ: Դեղագործական միջոցների խոշոր արտադրող Johnson & Johnson-ը ծրագրում է սեպտեմբերին սկսել իր պատվաստանյութի փորձարկումները:
Հիշեցնենք, որ փետրվարի վերջին հայտնի էր դարձել, որ Moderna Therapeutics բոստոնյան բիոտեխնիկական ընկերությունը, որի հիմնադիրն է ամերիկահայ ինժեներ–տեխնոլոգ, «Ավրորա» մրցանակաբաշխության հիմնադիր Նուբար Աֆեյանը, մշակել է նոր կորոնավիրուսի դեմ mRNA-1273 պատվաստանյութը:
Ջոն Հոփկինսի համալսարանի տեղեկություններով, որը դաշնային և տեղական իշխանությունների ներկայացված տվյալների հիման վրա հաշվարկներ է անցկացնում, ԱՄՆ-ում գրանցվել է ընդհանուր առմամբ կորոնավիրուսով վարակման 1,48 մլն. Դեպք: Մահացել է 89,5 հազ. մարդ: -0-
ԿԱՅԾԱԿ 
