Գիտնականները պարզել են կորոնավիրուսի մուտացիայի արագությունը

ԵՐԵՎԱՆ, 30 մարտի./Նովոստի-Արմենիա/. Ամերիկացի գիտնականները ուսումնասիրել են նոր տեսակի կորոնավիրուսի ութ շտամ և եկել եզրահանգման, որ այն մուտացիայի է ենթարկվում 8-10 անգամ ավելի դանդաղ, քան գրիպի վարակը, հաղորդում է "Известия"-ն՝ հղում անելով Daily Mail-ը:

Շտամերի միջև տարբերությունը չնչին է, ինչը վկայում է դանդաղ մուտացիայի մասին: Այս գործոնը հույս է ներշնչում, որ աշխարհի բազմաթիվ երկրներում մշակվող պատվաստանյութն ունակ կլինի երկար տարիների կտրվածքով ապահովել մարդկության պաշտպանությունը COVID-19-ից:

Ստացված տվյալների հիման վրա եզրակացություն է արվել, որ հիվանդության ախտանշաններն ու ծանրությունը որոշվում են ոչ թե SARS-CoV-2 շտամով, այլ դրան հակազդելու օրգանիզմի ունակությամբ: Գիտնականների կարծիքով, կորոնավիրուսի «թեթև տարբերակը», ամենայն հավանականությամբ, գոյություն չունի: Սրանով պայմանավորված բժիշկները հերթական անգամ խորհուրդ են տալիս ամրապնդել իմունիտետը: 

Ավելի վաղ Հոնկոնգի համալսարանի գիտնկանները եկել են եզրահանգման, որ նոր տեսակի կորոնավիրուսը ավելի կայուն է +4 ջերմաստիճանի ներքո: Նման պայմաններում այն կարող է գոյություն ունենալ 14 ժամ շարունակ, ինչից հետո ակտիվությունը սկսում  է նվազել: Միաժամանակ +70 ջերմաստիճանի դեպքում վիրուսի ակտիվությունը դադարում է 5 րոպե անց:
Նոր տարվա նախօրեին Չինաստանի իշխանությունները ԱՀԿ-ին հայտնեցին այն մասին, որ Ուհան քաղաքի կենտրոնական մարզերից մեկում՝ Հուբեյում արձանագրվել է անհայտ թոքաբորբի բռնկում:

Մասնագետները պարզել են, որ նոր հիվանդության հարուցիչը դարձել է նոր SARS-CoV-2 կորոնավիրուսը, որը փոխանցվում է օդակաթիլային ճանապարհով և պահպանվում է առարկաների մակերեսի վրա: Դրա գլխավոր ախտանշաններից մեկը՝ չոր հազն է, շնճառական դժվարությունը և բարձր ջերմությունը: -0-